STAE Viqueque registu ona eleitores hamutuk 2.183

Stae Munisípiu  Viqueque registu eleitores hamutuk 2.183 inklui aktualiza, dadus foun no ema ho difisiente hamutuk nain lima feto rua no mane nain tolu.

“ Hahú dadaun ona sistema biometric registu foun ba kartaun eleitoral semi biometric ba biometric ho nune’e labele iimplika ou mosu tan dupla  sira ida nee mak intensaun STAE hamosu fali resensiamentu biometric, atu minimiza eru sira husi resensiamentu semi biometric  tinan kotuk liu ba. Informa katak maske resensiamentu biometric neé lao hela, signifika kartaun eleitoral semi biometric kontinua uza nafatin. Lansamentu ona ba karatun biometeic iha Munisipiu Viqueque  tinan kotuk (2024) iha loron 8 fulan Novemberu no lancamentu neé  husi Presidente Autoridade Munisipiu ( PAM ) Viqueque, komandante PNTL Munisipiu de Viqueque, no autoridades hotu, partisipa mos husi maluk difisiente sira banku sira no Ministeriu da Solidariedade. Ba tinan neé sei kobre mos ba Postu Administrativu sira ho Tempu limitadu tanba orsamentu preve iha 2026 “.

Lia ne’e hato’o hosi Director STAE Municipio Viqueque Humberto Fernandes wainhira jornalista Radio Povo Viqueque (RPV) halo entrevista iha nia knar fatin Boramatan Viqueque vila.

Diretor STAE Munisipiu Viqueque Humberto Fernandes mos deklara liu tan dehan “ kartaun eleitoral biometric foun hakarak hadia kartaun foun,hanesan timor oan hakarak partisipa iha buat foun ba nia vida hanoin neé importante, atu imforma katak kartaun tuan utiliza nafatin hafoin stae fo fali detline, agora dadaun implementa hela kartaun biometric hodi evita, regista ema hirak ne’ebé mate ona,lha kartaun rua,minimiza ona dupla, eru  no falsifikasaun sira tanba ne’e mak hamosu kartaun biometric, hahu kedas iha 2024 fulan Juñu maibe Munisípiu viqueque lansa iha fulan Novembru loron 8. STAE Munisípiu  Viqueque  registu  ona eleitores hamutuk 2.183 inklui aktualiza foun no difisiente hamutuk nain lima feto rua no mane nain tolu “.

Alende ne’e Diretor STAE hatutan tan katak, “ hanesan sidadaun timor mai kedas ho dokumentu sidadania hanesan Rdtl,Bilhete de identidade ou pasaporte Timor leste validu,regras balun ne’ebé tau oinsá bele komprova ema ne’e mai husi suku no aldeia ne’ebé mak deklarasaun residensia katak nia mai husi suku no aldeia ne’e,tanba ne’e mak tau ida ne’e komprova ba justifika sai evidensia forte ba resensiamentu ho sistema biometric, sistema biometric avansadu tanba uluk ita halo kartaun eleitoral ohin halo ohin foti kedas, maibé sietama biometric ohin halo semana ida  mak mai foti,tanba sistema verifika hela dadus semi biometric,nia benefisiu mak ita evita ona  halo falsifikasaun ka dupla “.

Jornalista; Eugenia Alves