Loron Proklamasaun Unilateral da Independensia de Timor Leste ba dala 49 fo hanoin fali ba ita hotu katak liu husi sira nia esforsu no luta mak ohin loron ita hatene lolos ita nia identidade no kultura. Icar Bandeira neé halào iha kampu futebol Buanurak Suku Ossorua Postu Administrativu Ossu iha loron 28-11-2024 ne’e.
Iha icar bandeira ba loron Proklamasaun da Independesia Unilateral ba dala 49 diretora Eskola Sekundariu Geral Olocassa ossú(ESGO) Eldita hatoo ba jornalista RPV katak, “ sente orgullu no kontente tebes no hakarak agradese tanba liu husi proklamasaun independensia mak ohin loron existe ita nia independensia hetan liberdade,no ita bele soi saida deit mak hanesan joven ba future no hakarak kongratula mos ba ita nia heroi sira no ita hotu mak halibur iha neé “.
Alende neé hanesan komunidade Nelson Henrique dehan tan katak, “ haú sente alegria no kontente tanba buat hotu ita nia jerasaun tuan hatur hotu ona ba ita ohin loron ita hatutan fali rai ida neé diak liu tan iha futuru mai “.
Iha fatin hanesan nudar veteranu Manuel Afonso Da Costa Guterres(DIMAS) hatutan tan, “ haú orgullu tebes tanba ba dahuluk loron proklamasaun unilateral 28 Novembru dada bandeira iha neé,no kongratula ba heroi sira tanba durante neé luta ona no balun lakon vida maibe ikus mai hetan independensia no ohin loron ita selebra hamutuk “.
No sai inpector ba icar Bandeira Nasional ba loron Proklamasaun da Independesnsia Unilateral ba dala 49 iha nivel Postu Ossú, maka Inspector Geral Saúde, Horasio Fernandes Robeiro nebe hodi le’e deskursu Prezidente da Republika nian, no marka prejensa husi coronel Sadia Rasik Laek, alunus eskola sekundaria iha Postu Ossu no mos Viqueque, FFDTL, parsipantes husi liñas Ministeriais Munisipiu Viqueque, Veteranus ho Veteranas, no komunidade sira no hetan seguransa husi FFDTL, PNTL no KPK.
Entretantu antes ne’e iha Kuarta feira loron 27 fulan Novembro 2024 ne’e hala’o uluk misa hodi hanoin hikas Vteranus sira nebe maka mate hodi liberta Rai no Povu ida ne’e.
Misa agradesementu ba loron proklamasaun unilateral da independesia ba dala 49 iha kapela são Francisco de Assis Bbuanurak kuarta feira semana neé.
Iha homilia padre Marsal Sequeira haktuir katak, “ ita halibur iha 49 anos iha loron 28 de Novenbru ikus mai ita hanaran Republika Demokratika de Timor Leste (RDTL), ita hanoin fila fali figura Francisco Xavier do Amaral em nome do povu maubere no iha partidu Fretelin nia laran hodi dehan ba mundo katak rai doben Timor Portugues sai nudar nasaun soberanu iha tinan 49 liu ba, nudar Nasaun Soberanu kontra ideia politika tanba natural maibe historia rai Timor Faktus no inegavel,maibe regitradu iha mundu nia liman ikus mai mosu restaurasaun tanba oposisaun ida neébe mosu liafuan unilateral “.
Hafoin de misa hotu sarani, Veteranus, Coronel Sadia Rasik Laek, Veteranas, Inpektor Jeral Ministeriu Saude,Horasio Fernandes Robeiro, Presidente CMCLN, sefe Sukus sira no partispantes sira husi liñas Ministeriais Munisipiu Viqueque no Nasional hamutuk hodi ba kari ai funan iha semiteriu Veteranus Luka ua suku Ossorua.
Jornalista; Eugenia Alves
