Prezidente Autoridade Municipiu (PAM) Viqueque hato’o hela preokupasaun Povo Viqueque nian ba Prezidente da Republika kona ba Governo dasia muda projetu LNG hosi Beaco ba iha fatin seluk ( Natarbora Municipiu Manatuto).
“ Ami iha deit mensajen id aba Exelensia, karik fila bele hato’o hela ba Na’I ulun sira iha Nasional ( Governo) kata kami hamutuk ho povo tomak preokupa ho estatus nebe maka ita nia tasi Timor liu liu kona ba projrtu LNG nebe to’o agora seidauk iha klareza katak atu dada ba nebe, maibe ho hakraik an husu ba exelensia atu tetu didiak hodi hato’o hela ba na’I ulun sira iha Nasional para tetu didiak tamba dadaun ne’e la hanesan ona ho tempu pasadu, komunidade sira komesa entende ona no hakarak los atu projetu ne’e mai duni iha Beaco. Nebe hau hanoin katak tempu ona desizaun balun hosi Nasional tenki tun mai. Sekarik dada on aba fatin seluk karik tau netik buat ruma iha Municipiu Viqueque liu liu iha area neba (Beaco) tamba iha neb abele dehan katak riku soin povu Timor nian iha hotu tasi. Nebe hau reprezenta povo husu atu tane hela ami nia lian ba to’o maun bot sira iha Nasional “.
PAM Francisco Cruz Ximoẽs Gonjaga Soares hato’o lia ne’e ba Prezidente da Republika Dr. Jose Ramos Horta wainhira halo vizita ida mai Municipiu Viqueque hodi hasoru malu ho autoridade Lokal sira hotu iha Salaun Administrasaun Municipiu Viqueque Sabadu semana kotuk. PAM Francisco Cruz mos aprezenta ba PR kona ba kondisaun Estrada sira iha Municipiu Viqueque nebe liga ho Postu Administrativu no mos Municipiu sira seluk hanesan Lautem, Manatuto no Baucau nebe kondisaun sei at tebes.
Entretantu hatan ba preokupasaun sira nebe hato’o hosi PAM ne’e, Cefe Estadu Dr. Jose Ramos Horta hateten kompetensia tomak iha Governu nia liman no Nia hanesan Cefe Estadu atu fo hanoin deit no Nia sei koko atu fo hanoin ba Governu.
“ Governo maka iha poder ezekutivu, Governu maka iha autoridade kompetensia Kontitusional kaer buat nebe ita hotu hatene Governu nian. Orsamentu Geral Estadu hau la hola parte, maibe hau fo hanoin balun, kona ba hau nia preokupasaun maibe hau la kaer. Buat barak nebe ita rona ona hosi media liu liu Kona ba Tasi Mane kosta sul hau fiar buat ne’e sei akontese duni, no nia benefisiu sei mai Timor tomak maibe benefisiu bot liu maka iha fatin nebe sei simu projetu ne’e. No tempu badak karik Primeiru Ministru Xanana sei hasoru malu ho Primeiru Ministru Australia nia karik, ita hein iha tempu badak sei rona informasaun lolos hosi parte rua ne’e “.
Entretantu antes ne’e iha Governu anterior sira nia tempu halo ona identifikasaun no peskiza ba iha Area Beaco nian atu hodi hari planta LNG no halo mos levantamentu ka foti dadus kona ba populasaun sira nebe maka hela iha area afetadu, no no identifika mos fatin foun nebe maka sei atu muda komunidade sira afetadu ba iha neba no iha Governu dawalu ( VIII Governo) Konstitusional nia tempu mos kontinua halo levantamentu ba iha area refere (Beaco). Maibe iha IX Governu Konstitusional nia mandate deside hodi muda tiha fali projetu konstrusaun planta LNG hosi area Beaco suku Maluru Posto Administrativu Viqueque vila ba fali iha area Natarbora Postu Barique Municipu Manatuto nian. Tuir informasaun nebe maka espalha ona iha Media Sosial Minsitru Petroliu no Minerais deklara katak razaun muda planta LNG hosi Beaco ba iha area Postu Administrativu Natarbora nian ho razaun katak atu bele poupa Orsamentu Estadu nian, tamba ne’e maka sei tau hamutuk deit iha Natarbora Municipiu Manatuto.
Jornalista ; Adriano Antonio Mesquita
