Programa Nasional Dsenvolvimentu Suku (PNDS) sai hanesan programa nebe’e importante ba povo. Liu husi programa desenvolvimentu suku PNDS nee suku Uma Ki’ik Posto Administrativo Viqueque Villa uma naronaman ba povo nebe’e hamutuk 12 atinji ona sen prosento (100%).
alende husi konstrusaun fisika kompleta mos ho mobiliariu ba benefisiariu hamutuk 12. Sira nebe hetan uma naronaman nee, lokaliza iha aldeia tolu mak hanesan aldeia Maroman, Bahafou, no aldeia Luwa, lian hirak ne’e hatoo hosi cefe suku uma ki’ik Claudio Amaral.
Cefe suku Umaki’ik Claudio Amaral nafatin hato sira mos iha planu sei dada eletrisidade ba komonidade tanba iha suku uma ki’ik komonidade balun seidauk asesu ba iha energia eletrisidade iha aldeia tolu hanesan aldeia Maroman, Aina wa’in no aldeia Makadean.
Cefe suku uma ki’ik kontinua dehan iha mos projeito boot seluk mak liu husi Ajensia Internasional UNDP sei halo prefurasaun be’e mos ba komonidade sira.
Cefe suku uma ki’ik Claudio Amaral informa tan katak suku uma ki’ik durante tinan barak ona mak la asesu ba be’e mos honune komonidade sira tenki konsumo deit bee mota pior liu mak wainhira iha tempo udan mota boot komonidade sira la bele asesu ba bee mos tanba mota boot komonidade sira tenki hein wanhira mota ki’ik mak sira halo bee matan husi ke’e raihenek mak bele hetan bee mos.
Jornalista; Lourensa Soares
