Komonidade suku Osorua Postu Administrative Ossu Munisipio Viqueqeu ho inisiativa rasik loke grupo koperativa. Grupo koperativa ne’e hahu loke iha tinan 2021 ho Membru hamutuk 59 Feto 27 Mane 21.
Koperativa nebe hari ho nia objektivo atu ajuda sira hodi bele fasilita ba merkadu, tanba durante nee produtu ne’ebe sira produs nunka asesu ba iha rendemento. Maibe ho koperativa nebe sira hari hetan duni benefisiu husi produtu nebe sira produs. Lia ne’e hato’o husi presidente koperativa Hafa Osorua Celeste da Costa Sarmento Guterres , iha nia fatin sesta feira semana foin lalais .
Presidente koperativa Hafa Osorua Celeste da Costa Sarmento Guterres esplikan tan koperatiba ne’ebe sira hari nia aktividade sira hala’o mak rai no impresta osan, produsaun, no halo to’os. Presidente koperativa hafa Osorua hatutan iha tinan kotuk NGO ADRA fasilita dolar osan atus lima ($ 500,00) hodi hari fondasi ba aktividades .
Presidente Koperativa Hafa Osorua nian ne’e mos nafatin esplikan iha grupo koperatima nebe sira hari la’os deit rai osan maibe sira mos iha ativdades produsaun Agrikultura halo tos kuda batar ,foremungu, no ailia .
Entretantu tuir Celeste da Costa katak, koperativa Hafa Osorua sira hahu rai osan kada ema ida ho osan dolar tolu nulu resin lima (35,00), dolar lima ($ 5,00) tau iha hanesan uang pangkal dolar ruanulu resin lima ($ 15,00) hanesan simpanan pokok ,no osan ne’ebe sira tau ne’e depende ba ema idak-idak wainhira nia rai osan ne’ebe barak nia sei hetan osan funan barak.
Celeste da Costa Sarmento Guterres nebe hanesan Presidente Koperativa Hafa Osorua kompromete katak, sira sei nafatin esforsu atu iha kontinuasaun ho sira nia atvidades ne’e tanba sira sei hetan tan programa kuda ai Manas nebe maka husi parte SEFOPE mak sei organiza.
Jornalista; Lourensa Soares
