Wednesday, April 17, 2024
spot_img
HomeFoto GaleriaNoticia RPV; Eleisaun ba Orgaun Sucu iha Municipiu Viqueque la’o diak no...

Noticia RPV; Eleisaun ba Orgaun Sucu iha Municipiu Viqueque la’o diak no hakmatek

Eleisaun ba Orgaun Sucos nebe hala’o iha Sabadu loron 28 fulan Outubro tinan ne’e la’o diak hakmatek no hetan partisipasaun maximu hosi eleitores sira. Director STAE Municipiu Viqueque, Humberto Fernandes hato’o lia ne’e ba Jornalista Radio Povo Viqueque ( RPV ) segunda feira loron 30 Outubro semana ne’e iha nia servisu fatin Viqueque. Humberto Fernandes haktuir liu tan dehan, maske Eleisaun ba Orgaun Suco ne’e nai’in lolos maka Cefe Aldeias, Csfe Sucos Administradores Postu sira no Administrador Municipiu rasik, maibe STAE nudar orgaun Teknika no nia staf sira estabelese hotu iha Centru Votasaun sira  iha aldeias 230 nebe namkari iha Viqueque. Nebe hanaran pesoal STAE apoiu  Aldeia. No STAE nia prejensa hanesan  apoiu tekniku deit.

“ Eleisoens ba Lideransa Komunitaria iha Municipiu de Viqueque it abele dehan komunidade sira antujiasmu ema hotu hotu kontente hodi partisipa iha prosesu  ida ne’e tamba prosesu ne’e ita bolu hanesan festa da familia. Tamba ne’e maka ema hotu hotu fila ba ida idak nia suco no aldeia atu partisipa iha festa familia ida ne’e. STAE nia prejensa iha centru votasaun sira hanesan apoiu tekniku deit. Natureza Lei hateten katak Nai’in lolos ba Eleisaun ne’e maka Cefe aldeia sira, Cefe Sucos sira, Administradores Postu no Administrador Municipiu. Tamba ne’e maka iha aldeia sira sira rasik maka rekruta sira nia ema meja asembleia aldeia, meja asembleia suco hodi diriji prosesu ida ne’e. STAE fo apoiu deit ba iha prosesu ida ne’e, Tamba ne’e STAE nia hare ba prosesu tomak preparativus sira ne’e la’o diak. Maske iha fatin balun sira nebe maka iha konyesementu naton, maibe ami nia ema sira mos iha neba hodi ajuda sira, ita bolu dehan pesoal STAE apoiu Sucos no Aldeia, no pesoal CNE nian mos iha neba. Nebe sira la mesak. Tamba ne’e maka preparativus sira nebe la’o no parte STAE nia hare la’o diak, organizadu, hakmatek no forma unidade ida nebe forte, no hetan partisipasaun kontrolu hodi fo seguransa hosi parte Unidade Polisia nian nebe diak los, no hetan kordenasaun diak tebes hosi autoridade Suco nian hanesan amu liurai sira nia kordenasaun diak tebes”. 

Entretantu Director STAE Municipiu ne’e kontinua reasa katak, durante observasaun STAE nian hahu kedas hosi Preparasaun to’o iha Eleisaun Suco iha loron 28 liu ba buat hotu la’o ho diak. No Humberto Fernandes mos husu ba eleitores sira nebe maka sira nia sucu sei compete fali iha Eleisaun segunda ronde atu kria nafatin paz no dame hanesan iha primeira ronde liu ba. Maske hosi parte STAE konfirma katak Eleisaun Suco iha Municipiu Viqueque la’o diak maibe tuir observasaun Jornalista RPV nian iha terenu nota katak maioria sentru votasaun sira iha Municipiu laran eleisaun la’o to’o tuku 12 kalan tamba tamba kandidatus cefe aldeia barak maka tenki compete hikas ba segunda ronde, no tuir lei dehan tenki hala’o kedas iha loron ne’e duni no labele liu oras tuku sia ho balun ( 09.30 olt ) kalan, no kandidatus Cefe aldeia sira nia naran mos foin hakerek wainhira eleitores sira iha ona meja atu simu kartaun, no ne’e perjudika tebes ba eleitores sira nebe la hatene le tamba laiha fotografia hosi kandidatus Cefe aldeia sira.

Atu klarifika fali katak sucus sira nebe maka sei compete hikas ba Eleisaun segunda ronde iha loron 13 fulan Novembro mai ne’e hamutuk 22 no la’os 23 hanesan ami nia titulu noticia nebe publika ona iha loron 30 – 10 – 2023 horsehik. Sucos sira nebe maka liu kedas iha primeira ronde hamutuk 13.  Ba faillansu ne’e ami hato’o deskulpa wai’in ba leitores sira hotu.  

 

Jornalista ; Adriano A. Mesquita

Editor       ; Florindo de Jesus

 

RELATED ARTICLES
Continue to the category
0 0 votes
Article Rating
Subscribe
Notify of
guest
0 Comments
Inline Feedbacks
View all comments
Fans na'in: mak rona hela.
Loading ...

Trending Semanal.

0
Would love your thoughts, please comment.x
()
x