Durante preparasaun ba Eleisaun Suco Comisaun Nasional das Eleisoens ( CNE ) Municipiu Viqueque hala’o ona Edukasaun Sivika ka sosialijasaun hamutuk dala sanulu resin hitu ( 17 ) no hetan partisipasaun hosi komunidade sira hamutuk 2.348 kompostu hosi ema mane hamutuk 1.423 no Feto hamutuk 925. Lia ne’e hato’o hosi Komisariu CNE destakadu ba Municipiu Viqueque no Lautem Olavio da Costa Monteiro Kuarta feira loron 19 fulan Outubro tinan 2023 ne’e iha Edifisiu CNE Beloi Viqueque. Comisariu CNE ne’e mos afirma katak ne’e hatudu katak partisipasaun diak hosi eleitoris sira.
“ Komisaun Nasional ba Eleis oens iha ambitu preparasaun ba iha Eleisaun Suco ka Orgaun Suco nian em primeiru lugar hala’o supervijaun ba iha resenseamentu no actualijasaun baze de dadus nebe hala’o iha teritoriu TL nia laran tomak inklui Municipiu Viqueque nebe realija hosi ESTAE no partisipa hosi Eleitor sira nebe iha interese iha nesesidade atu prepara sira nia dokumentus liu kartaun eleitor para atu ba iha Eleisaun Suco nian. Ne’e preparasaun primeiru, preparasaun segundu maka CNE mos iha nia programa ida maka Edukasaun Civika. Normalmente iha Eleisaun ruma sempre halo Edukasaun Civika ho objetivu atu konsensialija, oinsa atu prepara eleitor sir abele iha konnyesementu kona ba lala’ok eleisaun nian. Nebe Komisaun Nasional das Eleisoens iha Municipiu Viqueque halo ona Edukasaun Civika hamutuk dala sanulu resin hitu ( 17 ) nebe fahe ba faje rua Faje primeiru no mos faje segundu no Municipiu Viqueque mos hetan tan extra ida. Iha Edukasaun Civika ne’e nia alvu ba liu iha komunidade em jeral no mos lideransa komunitariu sira iha Sucu hotu hotu iha Municipiu viqueque nia laran inklui mos estudantes sira. Iha Edukasaun Civika hare katak partisipasaun ne’e diak, iha neba total partisipasaun hamutuk 2.348 nebe kompostu hosi mane 1.423 no feto hamutuk 928 partisipantes nebe total hamutuk it abele akomula ita nia partisipantes sira hamutuk 2.348 hosi Edukasaun Civika dala sanulu resin hitu nebe CNE Municipiu hala’o iha Municipiu Viqueque nia laran tomak”.
Hatan ba pergunta kona ba karik iha edukasaun ruma espesifiku ba kandidatus sira nebe sai ona admitidu Comisariu ne’e deha laiha esplikasaun espesifiku rum aba sira, tamba Edukasaun Civika nebe CNE hala’o ona inklui mos sira hotu.
“ Comisaun Nasional de Eleisoens laiha edukasaun espesifiku rum aba kandidatus sira nebe admitidu tamba Edukasaun Civika nebe CNE hala’o antes ona ne’e inklui mos sira hotu, tamba ne’e laiha edukasaun espesifu rum aba sira. Maibe CNE husu atu kandidatus sira hala’o sira nia sosialijasaun kariktenki pasivu labele insulta malu no labele hatun malu”.
Komisariu CNE destakadu ba Municipiu Viqueque no Lautem Olavio da Costa Monteiro mos husu ba komunidade elitores hotu iha Municipiu Viqueque nia laran atu iha loron 28-10-2023 keta haluha ba iha fatin votasaun sira nebe estabelese iha Sucos no Aldeias idak idak hodi hili nia Lider ida nebe maka sira fiar atu nune’e bele servisu hamutuk iha future.
Rekorda fali katak Municipiu Viqueque iha nia Postus Administrativo lima ( 5 ), Sucos tolunulu resin nen ( 36 ) Aldeias atus rua tolu nulu resin hat ( 234 ) no total eleitores tuir dadus hosi ESTAE Municipiu Viqueque hamutuk rihun hat nulu resin ualu atus hitu resin ( 48.785 ) maibe Suco ida ( BUILO ) ho nia Aldeia hat ( 4 ) seidauk bele hala’o Eleisaun Suco iha tinan ida ne’e ( 2023 ) nia laran.
Jornalista ; Adriano A. Mesquita
Editor ; Florindo de Jesus
