Wednesday, July 24, 2024
spot_img
HomeFoto GaleriaNticias oRPV; CVTL Filial Viqueque comemora loron Mundial Ambiente.

Nticias oRPV; CVTL Filial Viqueque comemora loron Mundial Ambiente.

Cruz Vermelha de Timor Leste ( CVTL ) Filial Viqueque hamutuk ho Comunidade Suco Bahalara Uai’in comemora lCroron Internasional Ambiente no hola fatin iha Suco Bahalara Uai’in –Buikarin Posto Administrativi Viqueque Vila Sesta feira loron 9-06-2023 foin lalais ne’e.

Cordenadora CVTL Filial Viqueque Severina Marques ba Jornalista RPV deklara katak, actividade ne’e CVTL halao ba dala uluk iha Municipio Viqueque iha Posto Administrativo Viqueque Vila maka iha Suco Bahalara Uai’in no iha Posto Watulari maka iha Suco Waitame ho nia objetivu atu fo hanoin ba ita nia komunidade sira atu oinsa proteje ita nia ambiente hodi labele fo risku ba gerasaun sira tuir mai.

“ Programa ida nee foin maka primeira vez ita realiza iha ita nia Municipio Viqueque ho nia Objetivu ida katak oinsa ita atu fo konesementu ba ita nia komunidade sira atu bele hadomi ita nia ambiente tamba ita hatene katak ambiente maka fo moris ba ita hotu inklui mos animal sira. Tamba ne’e maka CVTL Filial Viqueque koko atu hala’o actividade ida ne’e. Atu”.

Severina Marques mos hatutan tan dehan CVTL laiha orsamentu propiu atu hodi halao’o actividade refere, maibe tamba importante tebes atu komunidade sira iha konyesementu diak hodi labele estraga arbiru ambiente maka maske laiha osan maibe sira hala’o afatin. Nia mos reasa katak orsamentu ba actividade ne’e maka dolar America atus ida  ( $ 100,00 )de’it.

“ Ami iha CVTL filial Viqueque laiha orsamentu, laos hanesan Governo ka Agensia Internasional bot sira nebe iha osan barak maibe ami hala’o actividade ida ne’e ho deit osan $ 100,00. Importante maka atu ita nia komunidade sira atu hatene katak loron Mundial ba ambiental ne’e importante no ita nia komunidade sira tenki hatene katak ambiente nebe diak no mo’os sei fo moris diak ba ita. Tamba ne’e ita nia komunidade sira mos tenki kuidadu no proteze ita nia ambiente ho diak, e komunidade sira mos tenki iha konyesementu katak, kuandu ita estraga hanesan tesi ai arbiru sunu rai rbiru ne’e parte ida hosi ita nia kontribuisaun ba hamosu desastre Naturais hanesan inundasaun mota bo’ot, rai halai sira ne’e hotu impact hosi kuandu ita estraga ambiente”.

Iha fatin hanesan reprezentante Servisu Ambiental Municipio Viqueque hato’o mos agradesementu ba CVTL Filial Viqueque tamba iha ona inisiativa diak hodi komemora ra loron Mundial Ambiental nian iha Municipio Viqueque. No reprezentante ne’e sublinya katak loron Ambientan ne’e kadat tinan mundo tomak komemora iha loron 5 fulan Junho, no Nasaun bot sira preokupa liu ho ambiente iha mundo.

“ Ami hosi parte Ambiente nian agradese tebes ba CVTL Filial Viqueque tamba ohin loron bele komemora loron ida ne’e, no Mundo tomak mos tinan-tinan sempre komemora loron 5 de Junho hanesan loron Mundial ba Ambiente. No Nasaun riku sira mos preokupa los ho situasaun Ambiente iha Mundo no sira mos prepara ka hasai osan bo’ot hodi ajuda Nasaun sira nebe kiak inklui mos Timor Leste atu hodi konserva ka kuidadu Ambiente. Neduni husu ba ita nia komunidade sira atu ha konsiensia hodi kuidadu didiak ita nia natureza tamba iha ita nia Konstituisaun RDTL artigo 61 hakerek ona iha neba katak, Ema hotu hotu tenki proteze no Konserva didiak ita nia Ambiente”.

Nune’e mos Kordenador Postu Saude Suco Bahalara Uai’in hateten, ita mos parte ida hosi ambiente tamba ne’e iha responsabilidade atu kuidadu didiak ita nia ambiente tamba kaundo ambiente nebe diak no mos sei fo saude nebe diak ba ita ema. Neduni husu ba inan aman sira no mos alin ka oan estudantes sira atu mai ita hotu hamutuk hodi kuidadu ita nia natureza ho diak atu nune’e labele hamosu bebeik inudasaun iha ita nia Suco laran.

Entretantu partisipa ha seremonia komemorasaun Loron Internasional Ambiente ne’e maka hanesan Komunidade Suco Bahalara Uai’in, Estudantes, Autoridade Suco nian, reprezentante hosi servisu Saude, Reprezentante Servisu Ambiente Municipio Viqueque no Ekipa hosi CVTL Filial Viqueque nian.

 

 

 

 

 

 

 

 

RELATED ARTICLES
Continue to the category
0 0 votes
Article Rating
Subscribe
Notify of
guest
0 Comments
Inline Feedbacks
View all comments
Fans na'in: mak rona hela.
Loading ...

Trending Semanal.

0
Would love your thoughts, please comment.x
()
x