Asosiasaun Feto Viqueque (AFVIQ) hala’o Workshop durante loron ida iha salaun Administrasaun Munisipio Viqueque hato’o ba Feto maluk sira katak Asosiasaun Feto Viqueque perpara hela Esbosu Planu Estratéjiku Ba Periodu Tinan Hat hosi 2024 to’o 2028.
Planu ne’e akumula areas no programa perioridade walu mak hanesan, Edukasaun, Saude, Agrikultura, Empoderamento feto, Ekonomia, Paz no Seguransa, Feto iha Politika, Arte no Kultura no Media. Objektivu husi Workshop Validasaun ne’e atu apresenta Esbosu Planu ba Autoridade Lokal sira hodi hetan Apresiasaun ba Aprovasaun Final nudar parte hosi komitmento atu Promove Planu Partisipatoriu no Inkluzivu.
Luciana Guterres hanesan Presidente Asosiasaun Feto Municipiu Viqueuque iha Workshop Validasaun ne’e hato’o katak, “ Asosiasaun Feto Viqueque simu Pose iha fulan Febreiru tinan ne’e (2025) tenta atu hala’o sorumutuk hanesan ne’e iha Fulan Marsu liu ba, maibe tamba Presidente Autoridade Munisipio ho nia preokupasaun ba servisu, entaun AFVIQ nafatin tenta atu hodi hetan solusaun ho nune’e konsege duni hetan tempo atu hodi halibur malu hodi apresenta servisu ka planu sira ba autoridade Munisipio “.
Lusiana Guterres hanesan Presidente Asosiasaun Feto Viquque hato’o tan katak, “ wainhira simu Tomada de Pose AFVIQ hato’o ona Relatoriu Trimestral ba iha Sekretaria Estadu Igualdade (SEI), Prezidente Autoridade Municipiu (PAM) no ba iha Posto lima (5) iha Munisipio Viqueque, no sorumutu ba loron ohin hanesan konsultasaun Validasaun Programa Preoridade AFVIQ nian ba tinan hat, no Objektivu atu apresenta Esbosu Planu Preoridade AFVIQ nian ba ita hotu no Objektivu tuir mai atu hetan intervensaun husi ka Rekomendasaun, suzestaun husi partisipantes sira, atu nune’e bele kompleta Planu ka Isu Preoridade sira “.
Iha fatin hanesan Cefe Gabinete PAM Viqueque, Luis Antonio Da Silva Soares reprezenta Prezidente Autoridade Municipiu (PAM) Viqueque hodi loke deretamente Workshop ne’e hodi hato’o mos PAM nia liafuan dehan, ”PAM hato’o katak Desenvolvimento Nasional iha Nasaun ida ne’e partisipasaun Feto nian mos sai parte importante iha Planu Estratéjiku Desenvolvimento Nasional Nasaun nian, presiza ita hotu liu-liu Feto sira atu focus iha area no espasu eskluzivu Hakbi’it oportunidade, involvimentu kualker atividade Feto nian iha Munisipio Viqueque ”.
Cefe Gabinete PAM Viqueque Luis Antonio Da Silva Soares kontinua hato’o PAM husu, ” ba Feto maluk sira, liu-liu iha Asosiasaun Munisipio Viqueque atu halao atividade ne’e ho diak no hato’o koinesemento wanhira halao atividade ligadu ho atividade Feto nian iha Munisipio ka iha Posto.”
Entretantu workshop ne’e hala’o durante loron ida no hola fatin iha salaun Administrasaun Municipiu Viqueque foin lalais ne’e no hetan partisipasaun hosi reprezentante feto hosi Postu lima mak hanesan Postu Viqueque vila, Lacluta, Ossu Watulari no Postu Administrativu Watucarbau no mos konvidadus sira seluk.
Jornalista ; Lourensa Soares
