Timor Leste restaura nia Independensia tinan 23 ona, no durante tinan 23 nia laran ne’e dezenvolvementu iha ita nia Municipiu la’o hela maibe sei nei neik liu. Lia ne’e hato’o hosi Veteranu Adriano da Camara- LENTIL nebe agora dadauk ne’e asumi hela knar hanesan Presidente Konsellu Veteranu Municipiu Viqueque wainhira partisipa iha seremonia hasa’e Bandeira hodi komemora loron Restaurasaun Independensia RDTL ba dala rua nulu resin tolu (23) iha kampu Demokrasia Viqueque foin lalais ne’e. Lentil konfirma liu katak “ hanesan Veteranu hau hare kona ba dezenvolvementu iha ita nia Municipiu (Viqueque) la’o hela maske la’o nei neik maibe la’o, G tinan lima lima Governu troka malu dezenvolvementu sempre la’o maske politik na’in sira kritika malu. Agora dadaun ne’e mos iha area agricultura nian mos komesa ona ho ekipamentus modern sira nebe Governu fob a agricultor sira. Nebe dezenvolvementu la’o nafatin maske ita hare ba nei neik hela “. Hatan ba pergunta jornalista nian oinsa atu aselera dezenvolvementu iha Municipiu Viqueque Prezidente Konsellu Veteranu Municipiu ne’e dehan
“ ne’e depende ba politika Governu nian, oin sa atu aselera ka la’e, atu aselera mos sira tenki estuda no halo planu nebe diak maka foin bele hala’o atu nune’e bele dura ba iha tempu naruk wainhira implementa ona. Hanesan ita hare kona ba Estrada, eletricidade be mos no agricultura agora la’o hela “.
Atu fo hanoin fali katak antes ne’e Prezidente Autoridade Municipiu (PAM) Viqueque husu ba ema hotu inklui Veteranus sira atu zero ba impedementu ba desenvolvementu.
Entretantu Municipiu Viqueque ho nia Postus Administrativus lima maka hanesan, Posto Viqueque vila, Lacluta, Ossu, Uaturali no Postu Administrativu Uatucarbau ho sukus hamutuk tolu nulu resin sia, no populasaun maioria moris ho vida agricultura, maibe kondisaun Estrada hosi capital Municipiu ba iha Postus sira sei at grave no to’o ohin loron iha sukus barak maka seidauk asesu ba estrada.
Jornalista; Adriano Antonio Mesquita
