komemorasaun loron aniversariu restaurasaun Independensia 20 de Maiu tinan 2025 ho tema “Hametin Paz No Densenvolvimento “. komemorasaun loron aniversariu indenpendensia ba dala 23 ne’ebe’ selebra iha teritoriu Nasional Timor Leste inklui Munispio Viqueque. Liu husi komemorasaun ne’e Autoridade Municipal Viqueque loke Feira, hodi anima komunidade sira iha Postu Viqueque Vila no hola fatin iha kampu basket bola Viqueque vila durante semana ida. animasaun musika local, puizia, no dansa cultural hodi fo animasaun ba komonidade hotu iha Munisipio Viqueque.
Iha Feira ne’e ,komonidade ka grupo negosianstes sira fa’an sira nia produtu local hanesan Mina nu’u virjen ka mos, Pomada ka balsem tradisional, tais, no tein hahan local ne’ebe’ Munisipio Viqueque iha.
Filimena Soares Miguel husi grupo Ahi Naroman Mahan suku Caraubalo Postu Administrativo Viqueque Vila sente konteten ho feira ida ne’e tanba sira bele fa’an sira nia produtu local hanesan Tais Orijin viqueque nia, no tais mos bele produs sai ba iha ,brincus ,keilu, no seluk tan.
Filimena Soares Miguel sente kontente tanba Guverno bele kria Feira ida ne’e sira bele foan sira nia sasan tanba sira la iha forsa atu to’o iha Nasional, maibe sira bele fa’an sira nia sasan liu husi Fera ne’ebe’ loke ona iha Munisipio.
Nune’e Manuel Da Costa Misquita haktuir liu husi feira ne’e, sira bele fa’an Produtu kombinasaun hanesan Asisores Tradisional, Kulinaria, no iha Kulinaria ba iha Komemorasaun 20 de Maiu tinan ne’e sira mai ho produtu Oin Tolu{3} maka hanesan : desenvove produtu local AI-farina sai ba Cipss ka Dose ita bele uja ba iha merenda , sosis gulun krispi, no baba krispi.
Manuel Da Costa Misquita esklarese tan katak Permeira ves sira halo promosaun ba sira nia produtu hahan local Ai-farina iha feira ida ne’e, no nia agradese tanba iha feira ida ne’e ema barak mak hatene no gosta tebes atu sosa produtu Ai farina ne’e.
Iha feira ne’e komunidade sira fa’an produtu local sira hanesan hahan tradisional, Tais no hena tradisional, arte zenatus, no harame mos ho banda musical sira nebe iha Viqueque, aprezentasaun dansa kultural no modern nian hosi grupu joven no mos labarik sira no mos iha tan animasaun rolety nebe partisipantes sir abele sosa nomeru no hetan prezente oin-oin no hetan partisipasaun di’ak tebes hosi komunidade sira.
Entretantu Feira produtu local ne’e hahu loke iha loron 16 fulan Maio no tuir planu sei taka iha loron 21 fulan Maio, maibe hare ba partisipasaun komunidade nian diak tebes no durante feira ne’e la’o laiha akontesementu ka problema ruma maka autoridade Municipal liu hosi Prezidente Autoridade Municipiu (PAM) Viqueque deside estende ka hanaruk tan feira refere to’o Sabadu loron 24 fulan Maio 2025 ne’e.
Jornalista; Lourensa Soares
