Escola ensinu baziku filial Uma Ki’ik Beobe kondisaun la dun diak hodi defikuta prosesu aprendijajen iha neba. Kordenador EBF Uma Ki’ik Antonio Pinto ba jornalista RPV iha nia knar fatin Beobe dehan; escolar ne’e didin deit ho bebak no akumula estudantes hamutuk atus hat walu (408) no sala aprendijajen mos la sufisiente, tamba ne’e maka sira tenki fahe tiha ba turma rua balun escolar dader no balun escolar iha tempu loraik, tamba ne’e maka nia husu ba parte kompetente liu liu Ministeriu Edukasaun atu tau atensaun ba escolar refere hodi bele hadiak tamba escolar ne’e hari kedas iha tinan 2009 ho programa Pakote Referendum nian.
“ Hau hakarak rekomenda ba Governu liu liu ba Ministeriu nebe relevante (Ministeriu Edukasaun) atu hare to’ok baa mi nia escolar ne’e, nia kondisaun maka hanesan ne’e nebe husu ba Ministeriu kompetente atu tau matan ba escolar ne’e tamba escolar ne’e hari kleur los ona, iha kedas tempu programa pakote Referendum nian tamba ami nia total alunus hamutuk atus hat (400) resin e depois ami nia sala mos la permite entaun ami tenki fahe ba turnu rua dader ho loraik. No estudantes iha kada sala akomula labarik na’in 38 ka liu tamba sala de aulas maka la permite, no escolar mos didin deit ho bebak “.
Entretantu hatan kona ba total profesores iha escolar refere Antonio Pinto klarifika katak profesores hamutuk ema 15 maibe iha profesores na’in 2 maka ho kondisaun moras permanente no agora dadauk sira iha deit profesores hamutuk 13 maka ativu no ne’e la sufisiente hodi atende ba alunus nebe hamutuk ema atus hat resin ne’e.
“ Iha ne’e professor hamutuk sanulu resin lima (15) maibe na’in rua kondisaun moras permanente no agora ami hela deit ema na’in 13 inklui kordenador maka hanorin no profesores sira ne’e mesak permanente hotu kedas laiha profesores kontratadu, uluk iha duni maibe sira hetan hotu ona rejime espesial nebe agora ne’e laiha ona kontratadu. Profesor id abele lori ka hanorin material hat ou lima, tamba ne’e maka ami mos hakarak atu husu tan professor hodi bele kompleta hanorin material sira iha escolar ne’e “.
Entretantu to’o noticia ne’e hatun ekipa jornalista RPV seidauk hetan konfirmasaun hosi Director Edukasaun Municipiu Viqueque tamba sei okupadu hela ho servisu seluk.
Jornalista ; Adriano A. Mesquita
