Asosiasaun Feto Municipiu Viqueque sei hala’o Kongresu ba dala tolu

Kongresu feto Munisipio Viqueque ba dala tolu sei partisipa hosi congresista hamutuk atus ida tolunulu  (130). Kongresu ne’e sei realiza iha salaun Administrasaun Munispio Viqueque iha fulan fevreiro ne’e durante loron rua, hahu iha loron 24 to’o loron 25 tinan 2025, ho tema ba Kongresu feto Munisipio Viqueque  maka “HAFORSA ASOSIASAUN FETO  MUNISIPAL  HODI CONTRIBUI BA DESENTRALIZASAUN NO PODER  LOKAL “.

Relasiona ho Kongresu feto Munispio Viqueque ba dala tolu ne’e Presidente Asosiasaun Feto Munisipio Viqueque Luciana Guterres liu hosi intervista ba radio povo viqueque  katak  “  Asosiasain Feto Munispio Viqueque hamutuk ho estrutura halo ona perparasaun ba distrubisaun conviti ba iha congresista sira  hola posisaun hanesan cefe aldeia, delegada aldeia, juventude  aldeia, toos nain, rede soru nain, grupo feto, feto vulneravel nebe hasoru violencia domestika, grupo nebefisiariu no parseiro ne’e servisu hamutuk “.

Presidente Asosiasaun Feto Munisipio Viqueque, Luciana Guterres hato’o liu tan dehan, “ tuir rezimento  haruka ema neebe sai delagada ka congresista atu partisiapa iha kongresu ne’e mai ho aldeia, suku, Postus no Munispio, congresista nebe maka sai tarjetu ba iha congresu ne’e hamutuk ema atus ida tolunulu (130), hosi Posto lima ne’e sei la hensan tanba bazia mos ba iha ita nia feto potensial sira nebe pronto lidera iha suku liu-liu iha eleisaun  suku tinan kotuk. Iha Munispio Viqueque total ba feto nebe kompete ba iha cefe aldeia ho cefe suku hamutuk, ema na’in neen nulu  {60} entaun ida ne’e sai perioridade  atu convida sira  hodi partisipa iha Kongresu ne’e. Luciana Guterres mos kontinua klarifika  tan katak, “ Kongresu ne’e sei hala’o durante loron rua hau hosi loron 24 too loron 25 fulan febreiru tinan 2025, iha congresu ne;e sei halao diskusaun ba iha area tematicu balun hanesan Pontus importante hat mak sei halo diskusaun sei fahe ba grupo sira nebe hola parte iha congesu ne’e “.

Presidente Asosiasaun Feto Munisipio Viqueque ne’e mos hato’o nia lia menon ba congresista sira  nebe sei partisipa iha kongresu ne’e katak, konvite sei too iha ita boot sira fatin, perpara an hodi partisipa iha  congresu ne’e atu nune ita hodi debate kona ba nesesisedade nebe ita hasoru iha ita nia area aldeia no suku.

Jornalista; Lourensa Soares