Cruz vermelha de Timor leste (CVTL),fo formasaun ba membru sira husi Munisípiu Manatutu, Baucau, Lospalos no viqueque hamutuk nain (25) feto nain sanulu (10),mane nain sanulu resin lima (15), durante loron tolu iha salaun CVTL filial Viqueque.
Iha Entrevista ho kordenadora CVTLl Munisípiu Viqueque Severina Marques da Silva iha nia knaar fatin kuarta feira ne’e hato’o ba jornalista Radio Povo Viqueque (RPV) katak, “ Cruz vermelha de Timor leste (Cvtl) hanesan sosiedade nasionál ne’ebé foun iha mundu sai hanesan auxiliar ba autoridade públiku no mandatu servisu hanesan kampu humanitariu nian, tanba oinsá ita halo kapasitasaun ba voluntariu no staff sira , prontu ona wainhira akontese dezastre sira prontu fo apoiu asistensia , iha objetivu ba formasaun ne’e mak atu haforsa kapasidade no koñesementu ba staff no voluntariu CVTL nian, no segundu wainhira iha tempu emergensia ruma oinsá servisu hamutuk ho parseiru relevante sira tantu iha governu no sira seluk “.
Kordenadora CVTL Filial Viqueque ne’e mos hato’o mensajen ba partisipantes sira katak “ oinsá voluntariu sira bele hasa’e ona sira nia konesementu oinsá utiliza fila fali saida mak sira aprende ba iha tempu emergensia liuliu iha treinamentu ba kapasitasaun no selter ka halo uma temporariu wainhira tempu emergensia ruma, katak sira hala’o durante treinamentu sira aprende mak oinsá iha preparasaun modelu uma temporariu, oinsá sira bele foti dadus kona-ba asesmentu akontese dezastre ruma “.
Iha fatin hanesan reprezentante CVTL Filial Baucau Samuel Freitas hato’o mos nia sentiment kona ba benefisiu hosi formasaun ne’e rasik katak; “ ha’u sente kontente hanesan voluntariu CVTL liu husi formasaun ida ne’e bele aumenta tan koñesementu no ami bele prepara tan rekursu ida iha ami nia filial ida-idak, karik iha akontesementu dezastre ruma ami hanesan rekursu ne’ebé preparadu bele apoiu ba komidade sira ne’ebé presiza mahon ruma ho ida ne’e mak halo ami sente orgullu no kontente tanba bele aumenta ami nia kapasidade diak liután liga ba selter ka uma mahon karik iha dezastre ruma “.
Jornalista; Eugenia Alves
