Moras ispah registu as no menus rekursu humanu iha Postu Saude Buanurak

Moras ispah registu as  iha postu saúde (PS ) Buanurak tanba afeta husi rai rahun, bainhira sai husi uma uza motor no karreta la uza masker,hola ai han hodi konsumu fase la mos, no menus rekursu humanu iha P.S buanurak

Iha entervista ho responsavel ba Postu Saude Buanurak Joao  Francisco Lela Da Silva iha knaar fatin hato’o katak, “ moras ispah registu as liu iha Postu Saude Buanurak tanba afeta husi rai rahun, no ahi suar. No husi fulan Janeiru too mai Dezembru 2024 Moras ida ne’e maka as liu tanba ita nia komunidade sira kadaves hola modo iha dalan ninin fase la mos, la’o ba fatin ruma la tau masker no sunu ahi, dalaruma sira La hatene katak husi buat sira ne’e mak afeta ba moras “. Hatan kona ba karik falta aimoruk Joao Lela dehan, “ ai-moruk ne’e  la’ós problema tanba  iha stok Postu Saude Buanurak dadaun ne’e sufisiente ba komunidade no stok ai-moruk  tama hela tanba ami halo pedidu antes ai moruk iha stok hotu “.

Responsavel ba Postu Saude Buanurak Joao Francisco Lela mos haktuir liu tan katak, “ Rekursus humanu ne’ebé destaka iha Postu Saude Buanurak iha nain rua mak enfermeiru ho farmasia no ida de’it parteira, médiku laiha, kona ba atende pasiente sira mak ho diak, menus iha rekursu de’it. komunidade ka pasiente sira mai barak ami sempre atende ho diak, preokupasaun mak menus iha rekursu humanu presiza tau atensaun, kona-ba atendementu la’o diak hela, kuandu emergensia no partus mos ami atende ho diak, iha oportunidade ida ne’e hakarak hato’o ba Ministeriu da saúde karik rona ha’u nia lian bele hare tok ba preokupasaun hirak ne’e iiha rekursu humanu menus tebes,tanba dala ruma ita sai hanesan parteira,farmasia,enfermeiru  nomos sai médiku “.

Entretantu Joao Francisco Lela mos esplika liu tan dehan, “ Populasaun ne’ebé konsulta iha postu saúde buanurak mai hosi Suku Uabubu, Ossorua no Loi huno balun tanba suku tolu ne’e konsentra hotu iha buanurak “.  

Jornalista ; Eugenia Alves