Komandante Polisia Nasional Timor Leste (PNTL) Municipiu Viqueque fo posse ba membru konsellu polisiamentu komunitariu (KPK) Hamutuk nain hat nulu resin lima (45) neébe inklui mos konsellu suku, funsiorius, katekista no komunidade husi suku Loi huno iha aldeia lima(5) hanesan samaliu,lia uai oli,cailatula,uai heda no uala uau.iha suku Loi huno Postu Administrativu Ossú sexta feira neé.
Sefe suku Loi Huno hanesan mos sefe kpk Filomeno Guterres haktuir katak agredese ba formador sira kpk nian tanba durante loron rua fo ona formasaun mai ami menbru kpk no too ohin loron ami simu pose
“Agredese ba formador sira kpk nian tanba durante loron rua fo ona formasaun mai ami menbru kpk no too ohin loron ami simu pose atu nuneé ita halào knar hanesan membru kpk iha suku loi huno nian durante loron rua ami ho kapasidade neébe lahanesan,durante loron rua ami aproveita ho akapta importante iha pontu prinsipal sira hanesan knar ka responsabilidade nudar membru kpk nian.Atan haú mos ladun hatene saida mak kpk maibe iha loron rua neé iha netik konseitu balun neébe bele kompriende atu bele lao tuir,iha pontu hat sai prinsipal mak prevensaun,identifikasaun,mediasaun no negosiasaun.”
Representante administrador postu adminitrativu ossú Domingos Da Costa pascoal salienta katak agradese wain tebes,ida neé diak tanba sai parseria diak polisia sira,laos iha suku laran deit maibe iha areas hotu neébe mak espalha iha suku neé
“Agradese wain tebes,ida neé diak tanba sai parseria diak polisia sira,laos iha suku laran deit maibe iha areas hotu neébe mak espalha iha suku neé no intituisaun neébe destakadu iha suku neé envolve hotu iha laran katak oinsa atu bele mantein seguransa.No durante formasaun neébe ohin hatoo katak identifikasaun, preve no foti mediasaun kuando labele ona mak bele too iha parseria sira,problema sosiais karik bele identifika bele prevene no foti mediasaun se no kazu aseita husi parte rua,karik labele entaun bele ba polisia.Haú nudar Loi Huno oan agradese tebes ba atividade ida neé tanba durante neé Loi Huno mos sai risku ida ba problema sira akontese depois de estabelese kpk ita garantia katak boa envolmentu husi instituisaun sira neé nomos komunidade katak bele atinji buat neébe ita nia hakarak iha future,ita garantia katak meius oioin bele minimiza krimi sira “
Alende neé superitendente polisia munisipiu viqueque Antonio Rego Fernandes akresenta tan katak preokupasaun ba ita nia seguransa liu liu seguransa iha ita nia postu administrativu ossú suku loi huno nebe importante tebes atu fahe mos informasaun husi treinador sira nomos husi ami rasik,
“Preokupasaun ba ita nia seguransa liu liu seguransa iha ita nia postu administrativu ossú suku loi huno nebe importante tebes atu fahe mos informasaun husi treinador sira nomos husi ami rasik,haú em nome de komando Jeral hakarak hatoo agradese no obrigadu barak ba imi nia pontualidade no apresiasaun cabe mos ba kpk importante tebes ba ita nia suku no aldeias ,hari’i kpk neé liu husi tempu naruk hahú kedas husi ita nia historia da polisiamentu neébe akontese iha mundial nian.konaba ita bot sira nia servisu nudar kpk tenke cabe mos ba sefe suku nia liafuan no kumpri.tanba kpk bazeia ba sefe suku nia pedidu no kpk mos servisu hanesan voluntariu,tanba ita refere mos ba lei nu 9/2016 lei suku nian ba iha artigu 6 mos kolia konba knar no kompetesia sira neé,no sei fo apoiu ba atividades kpk nian hamutuk ho tita nia polisia sira neébe destaka iha suku loi hun.Husu ba nain hira nafatin servisu voluntariu tanba ita nia trans formasaun intituisaun neé sempre lao nafatin,kpk ba futuru lao oinsa governante no ukun nain mak hatene,ami polisia mai iha neé bazeia ba pedidu sira ami mai atu suporta liu husi formasaun,siensia hodi aplika fali iha ita nia knar.”
KPK servisu ho piritu voluntariu ba interese nasaun hodi kontribui ba dezenvolvimentu seguransa iha bairo,aldeia,suku,postu administrativu no munisipiu no
KPK sai nudar matan,tilun,ibun ba polisia,polisia mesak labele hamutuk ho kpk mak bele lori seguransa liu liu iha suku loi huno
Partisipa iha posse neé husi superitendente polisia munisipiu viqueque Antonio Rego Fernandes,Representante administrador postu adminitrativu ossú Domingos Da Costa pascoal, Komandante Eskuadra Ossu Primeiru Sargento Elvino da Costa Guterres,Polisia,sefe suku ho nia estrutura,no komunidade sira.
Jornalista; Eugenia Alves
