segunda feira semana ne’e iha fatin escola 02 Cabira Oan, Ministerio da Saude liu husi sentru saude Munispio Viqueque hala’o lansamentu vasina foun ho naran vasina Virus Humana Papiloma ba labarik feto ho idade 11 to’o 14 iha komonidade no iha escola hahu husi clase 6, 7, 8, to’o 9 ho objektivo atu halo prevensaun ba moras kankru serviks ba oan fatin.
Fernando Soares representante director Sentru Saude Munisipio Viqueque liu husi lansamento ne’e esplika, “ohin loron ita halao lansemento ba vasina virus papiloma humana ne’e hanesan lia fuan foun ba ita maibe vasina ida ne halao ona iha nasaun hamutuk atus ida hat nulu resin ida husi nasaun atus ida sia nulu resin tolu iha mundu ne’ebe ho nia presentangen hitunulu resin tolu (73%). Anivel Nasional ita mos halo ona permeiro lansamento iha munispio Ermera, nune munisipio Viqueque ita halao lasamentu hahu husi munispio to’o iha posto administrative lima iha munispio Viqueque “ .
Fernando Soares representante director Sentru Saude esplika tan, “ razaun saida mak ita tenki fo vasina Virus Papiloma ba iha estudantes oan feto sira, tanba oan feto sira nebe ho idade 11 to’o 14 sira nia orgaun reproduktiva pronto ona atu produs menstruasaun, ho ida ne’e ba sira ne’ebe hahu hetan primeiro mesntruasaun fasil tebes atu hetan kankru Serviks ou kantru oan fatin ho nune Guverno liu husi Ministerio da Saude atu perpara vasina ida ne’e ba oan sira atu halo prevene no proteze atu sira labele hetan moras “.
Representante director Sentru Saude salienta liu wanhira oan sira ho 11 to’o 14 mak la hetan vasina Virus Papiloma Humana fasil liu oan feto sira atu hetan moras kantru seluk, nia husu mos ba professor no inan aman sira atu konsola oan sira atu hetan hotu vasina, no iha escola 02 cabiran 0an estudantes nebe hetan vacina hamutuk 183.
Nune director Educasaun munispio Viqueque Julio Laksoru hateten, “ liu husi programa saude nian bele hato informsaun ba estudantes sira atu hatene kona ba Virus Papiloma humana ne’e, no oinsa atu halo prevenesaun ba moras ne’e tanba moras ne’e akontese iha mundo ita evita iha Timor Leste, liu-liu ba alin estudantes sira idade husi 11 to’o 14 atu hetan hotu vasina Virus Papiloma Humana” .
Director Educasaun munispio Viqueque Julio Laksoru kontinua hato’o ba estudantes sira, saude nia programa mai atu hato’o informasaun liu husi professor sira bele halo esplikasaun klean liu tan ba estudantes sira atu komprende diak liu kona vasina Virus Papiloma Humana ne’e.
Jornalista; Lourensa Soares
