Municipiu Viqueque preparadu ona atu hodi komemora aniversario Komisaun Funsaun Publiku nian ba dala sanulu resin ida (XI) .Tuir Prezidente komisaun organizadora Carlos de Araújo jeronimo hato’o ba jornalista RPV iha nia knaar fatin beloi informa katak “ dadaun ne’e mini komisaun halo hela preparativos lubuk ida relasiona ho atividade husi parte nasionál halo nia implementasaun sei hala’o iha Viqueque,hahu komisaun instala no ofisiálmente hetan ona rekoñesementu husi Presidente, depois halo kordensaun ho komisaun nasionál nain ba programa nain ba planu no mini komisaun atu apoiu atividade sira ne’ebé hala’o iha Munisípiu Viqueque, prepara ba atividade ne’e hala’o durante loron ualu nia laran no iha kompetisaun dada tali, dansa kadeira halai karon no seluk tan “
Alende ne’e Prezidente K.O nafatin hato’o katak, “ partisipa ba loron aniversariu Funsaun Públika ne’e husi komunidade no husi instituisaun Estadu no funsiosionáriu sira iha Munisípiu Viqueque, no mos sei la’o tuir ain fatin funu nain FALINTIL sira nian, ne’e husi Komisaun Nasionál mos partisipa hotu antes dia 11 hotu-hotu konsentra iha asalaitula, ita nia prepativos ba atividades sira ne’e hein implementa de’it ona “.
Prezidente komisaun organizadora mos husu ba ita Munisípiu Viqueque atu hola parte mos iha eventu ne’e. “Ha’u hanoin loron Funsaun Públika ne’e importante ita orgullu tanba ita nia Estadu klarumente ita ni nia Ministeriu Finansas fo fiar mai Munisípiu Viqueque sai hanesan uma nain ba realiza eventu Nasionál ba loron komemorasaun komisaun funsaun públika nian ne’e ita orgullu,alende orgullu husu ita hotu nia responsabilidade hahú husi komisaun organizadora,funsionariu públiku husu atu partisipa masimu, husu mos komunidade, joventude nia apoiu no atividade sira ne’e nakloke ba hotu-hotu tanba ne’e mak ita hamutuk kontinua kria paz hakmatek atu nune’e eventu ne’e hahú ho diak remata mos ho diak “.
Iha loron aniversariu ba komisaun funsaun públika iha mos atividades sira hodi anima ba partisipantes sira mak hanesan dada tali,dansa kadeira, halai karon,han krupuk,certame husi eskola sekundaria iha Viqueque, eventu expo/nigth market,musika,asaun karidade, konsulta saúde masal,tutur lolo/ sana rai,tebe bola futsal,napaktilas,dansa kultura no visita jardim kraras, atividade hirak nee sei halao durante loron ualu. Entretantu actividades tomak nebe prepara hodi komemora aniversariu Komisaun FP nian ba dala sanulu resin ida (XI) ne’e hala’o tiha ona abertura hosi Vise Ministra das Finansan hamutuk ho autoridades Municipal nian iha loron 7 fulan Julho 2025 ne’e iha kampu Demokrasia Viqueque no sei remata iha loron sanulu resin lima (15) fulan ne’e.
Jornalista ; Eugenia Alves
