Tersa feira semana ne’e hola fatin iha kampu demokrasia Municipiu Viqueque Vise Ministra Finansas akompanya hosi Prezidente Autoridade (PAM), Komandante PNTL Directores linhas Ministeriais, Directores sektorais Administradores Posto Administrativu lima no estudantes sira halo abertura ba actividades desportu hodi komemora aniversario Komisaun Funsaun Publiku nian ba dala sanulu resin ida (11). Iha intervensaun Vise Ministra Finansas Felicia Claudinada da Cruz Carvalho nian molok halo abertura ba actividades hirak ne’e dehan, dala barak mak superior sira ladun tau atensaun ka fo apresiasaun ba funsionarius publiku sira nia servisu, no NIA husu atu funsionarius publiku sira manten nafatin sira nia prestasaun servisu nebe durante ne’e iha.
“ Ho selebrasaun loron Funsaun Publiku nian ba dala sanulu resin ida (11) ne’e husu ba funsionariu publiku sira tomak atu manten nafatin sira nia servisu nebe durante tempu barak emi hala’o ona importante maka emi nia dedikasaun no domin ba emi nia servisu durante iha servisu fatin no iha publiku, tamba emi mak sai hanesan makina estadu nian, no emi mos hanesan exemplu ba joven sira nebe maka bainhira remata sira nia estudu no hakarak sai funsionariu. Ba funsionariu sira mos dala barak sira nia servisu ladun hetan atensaun ka apresiasaun maximu hosi superior sira. Maibe sira hanesan lampu ida nebe maka leno nafatin ba iha Instituisaun sira”.
Vise Ministra Finansas ne’e mos hato’o parabens ba funsionariu publiku sira hotu no husu atu sira kontinua hatudu dedikasaun no loialdade ba sira nia servisu.
“ Parabens ba funsionariu sira hotu ba tinan sanulu resin ida no sei kontinua nafatin ba tempu naruk forsa nafatin no servisu ho semangat nafatin. Komemorasaun ba tinan ida ne’e iha Municipiu Viqueque hanesan exemplu ida atu tinan sira tuir mai mos Municipiu seluk sei bele hola parte hanesan”.
Entretantu Vise Ministra Felicia da Cruz Carvalho mos deklara katak iha komemorasaun ne’e sei partisipa mos hosi membru Governu sira, Komisariu Funsaun Publiku, orgaun soberanu sira no mos sei partisipa hosi Primeiro Ministru maun Bot Xanana rasik.
Iha fatin hanesan Prezidente Autoridade Municipiu (PAM) Viqueque, Francisco Cruz Ximoẽs Gonzaga Soares hato’o agradesementu no obrigadu ba Ministeriu Finansas tamba bele hili ona Municipiu Viqueque hodi sai hanesan Uma Na’in hodi seleran aniversario Funsaun Publiku nian ba dala sanulu resin ida (11).
“ Nudar Uma na’in no nudar autoridade iha Municipiu Viqueque, uluk nana’in ita agradese ba Ministeriu Finansas tamba bele hili no fo fiar on aba ita hosi sai uma na’in ba komemorasaun ida ne’e. Komemorasaun ida ne’e mos pela primeira vez maka ita hala’o iha Viqueque,neb ita hanoin katak herois lubuk ida nebe maka fo ona sira nia vid aba ukun an ida ne’e ita hakarak par abele realiza sira nia mehi, para sir abele hare katak it abele realiza duni sira nia mehi katak povo ne’e tenki moris diak nebe sei mai ho poder local “.
Entretantu PAM Francisco mos kontinua apela ba funsionarius publiku sira hotu atu durante actividades sira hodi komemora loron funsaun publiku nian la’o tenki kontinua tama servisu hanesan bain bain tamba laiha kalendariu feriadu.
“ Atu dehan katak ne’e sira nia loron, maibe sira tenki tama nafatin servisu hanesan bain bain tamba laiha feriadu. Makina Estadu tenki hala’o nafatin nia knar atu hodi servi Estadu no povo. Mesmu loron ne loron bot ba funsaun publiku maibe ita tenki exerse ita nia servisu ba ita nia povo. Ita tenki hatudu katak ita iha ona matoridade atu servisu no servi “.
PAM Municipiu Viqueque ne’e mos hato’o nia parabens ba funsionaris tomak iha Municipiu Viqueque nebe maka komemora loron espesial ida ne’e.
Nune’e mos Prezidente Sub Komisaun Organizadora ba eventu komemorasaun loron Funsaun Publiku nian ba dala 11 iha Municipiu Viqueque Carlos Zeronimo hato’o mos actividade sira nebe sei hala’o komesa hosi loron 7 to’o loron 15 fulan Julho 2025 nian maka hanesan, dada tali feto entre Instituisaun sira Governu nian, halai karon, tata berlindus, jogu futsal, sertame, la’o tuir ain fatin herois sira nian ka napak Tilas nebe sei komesa hosi Ponte Asalai Tula no sei termina iha Buanurak Viqueque no mos ikus liu maka Misa agradesementu nebe sei preside hosi Bispu Dioseze Baucau DOM Leadro Maria Alves iha loron 15 no sei kontinu ba kari aifunan iha Jardim dos Herois iha Kraras suku Bibileo.
Entretantu Tem aba komemorasaun aniversariu Komusaun Funsaun Publiu nia ba Tinan ida ne’e (2025) maka, “ Promove Politika ho Baze Evidensia Dadus Estatistika hodi Maximiza reseitas no halo poupansa ba despezas Publiku ho Efisiente “.
Jornalista : Adriano A. Mesquita
