Iha loron quarta feira semana ne’e Programa Nasional Desenvolvimento Suku (PNDS) fo formasaun ba Estrututa suku husi suku sanulu (10) Postu Administrativu Viqueque Vila nian no hola fatin iha salaun Postu Administrative Viqueque vila durante loron tolu (3).
Agustinho Pinto hanesan facilitador Sosial postu Viqueque vila hateten, “ objektivu husi formasaun ida ne’e atu hasae koinesemento husi Ekipa PNDS suku, ho intensaun hakarak Desenvolvimento ne’ebe’ diak liu tan iha future ba ida-idak nia suku “.
Agustinho Pintu hato’o tan katak, “ iha formasaun ne’e materia ne’ebe sei hato’o ba estrutura suku mak BOQ, oinsa perpara kotasaun, produs kotasaun, oinsa hare material local no material fabrikadu, prosesu planeamento, preoridade iha suku nivel aldeia, liu-liu preoridade Feto no preoridade ema ho difesensia “.
Fasilitador Sosial Postu administrative Viqueque Vila ne mos hato’o nia agradesementu ba iha Estrutura Eikpa PNDS nian hodi partisipa iha formasaun durante loron tolu ne’e atu nune’e sira bele apar ho Formatu sira ne’ebe sira hetan ona, nune’e liu husi formasaun ida ne’e sira hatene diak liu tan hodi representante ba suku nia presija no bele jere Orsamento PNDS nian tinan ida ne’e (2025) ho diak
Partisipa ba formasaun ne’e husi Ekipa PNDS Munisipio, no Posto viqueuque Vila Estrutura- suku 10 nebe estabelese iha Postu Viqueque Vila, Presidente KPR, Secretariu, EIP, Tezoreira no Fasilitador hamutuk ema hitu nulu (70).
Jornalista ; Lourensa Soares
