Eskola ensin basiku filial Lekigari menus fasilidades hanesan sala de aulas, casa de bainho ka sentina no seluk tan.
Tuir kordenador Ebf Lekigari Armindo da Costa hato’o ba jornalista Radio Povo Viqueque (RPV) iha nia knaar fatin katak “ eskola EBF Lekigari hasoru problema barak hanesan edifisiu eskola laiha, casa de banho, no cozinha no mos sala de aulas ba alunus sira mos menus los “. Armindo da Costa mos haktuir liu tan dehan, “ situasaun ril sira ne’e ami nia parte hato’o ona ba estadu maibé dehan faze por faze, no ba tinan ida ne’e ami hetan edifisiu rua husi PNDS Ossu nian, kondisaun eskola ne’e nafatin hato’o bainhira hala’o enkontru jerál no regular iha sentru no Munisípiu maibé eskola iha sentru mundu perdidu iha filial neen lima seluk estadu tau ona atensaun ona maibé hela filial Lekigari mak seidauk, ba tinan ne’e Ebf Lekigari hetan edifisiu rua, laudan karik oras implementa ona maibé ita hare fali ba kondisaun udan entaun kareta labele lori tama material, no husi parte PNDS hare ona lokasi. Kordenador escolar ne’e mos hatutan dehan, bainhira tempu udan no anin ami labele iha aula tanba udan ben tama iha aula laran no kalen leten mos at hotu, Ngo balun no vice Ministru Edukasaun rasik mos iha tinan 2022 mai hare ona maibé dehan planu tinan oin maibe to’o too oras ne’e seidauk realiza “.
Alende kordenador PNDS Postu Ossu Nazario Amaral iha nia knaar fatin hatutan mos katak “ prosesu prioridade ba Suku ossu desima ne’e ba eskola Ebf Lekigari hala’o estensaun ka aumenta sala rua to’o ona prosesu loke kotasaun, no fornesedor sira asina ona kontratu iha tempu badak ekipa sei halo planu no fornesedor sira sei hatama sasan mak foin hala’o, projetu ne’e mai husi PNDS 2025 nian “.
Projetu ba Ebf Lekigari sei hala’o ho durasaun fulan haat,no fornesedor husi kompaña Lekiboditi mak sei hala’o projetu ne’e.
Eskola ensinu basiku filial Lekigari iha sala hamutuk haat (4) sala ida ba kordenador, no professor sira, aula biblioteka seidauk iha, no sasan dapur tau iha sala kordenador nian. Entretantu casa de banho ho cozinha mos at totál ona. Estudante iha escolar refere hamutuk nen nulu resin nen (66) kompostu hosi alunus feto rua nulu resin lima (25) no alunus mane hat nulu resin ida (41). Entretantu eskola Filial Likigari lokaliza iha Suco Ossu de Cima Posto Administrativo Ossu Municipiu Viqueque.
Jornalista ; Eugenia Alves
