Institute Nasional Linguístika INL-UNTL fasilita semináriu ho tema “Lian Tetun” ba funsionariu administrasaun no manorin husi ensinu basiku no sekundariu sira iha salaun Munisípal Viqueque tersa feira semana ne’e.
Iha semináriu ne’e Presidente Autoridade Munisípiu Viqueque (PAM) Francisco C.S de Gonjaga Soares hato’o katak “ pela primeira vez hasoru malu ho ekipa Iinstitutu Nasional Linguístika, iha Timor Aid ami hahú ho literasia iha versaun tolu mak eziste no husi parte Igreja mos iha tanba ne’e mak dalaruma ita hare Tetun sai problema uitoan tanba iha tetun ho versaun oin oin,tetun loloos mai husi nia hun ka tetun los,no problema mak tetun laiha obrigadu no ita nian mak hatene fo fila nemak lisan ita nian, prosesu dezenvolvimentu ba lian tetun tenke avansa ba oin liu husi ita nia institutu Nasionál linguístika.ida ne’e mak ko’alia uitoan kona-ba INL nia serbisu ne’ebé sei hare liu ba oinsá halo perfeitu ita nia lian tetun sai língua ofisiál bele hakerek no ko’alia iha serimonia bot sira, hanesan líder sira ko’alia dehan katak ita ukun an ona maibé ita nia tetun sei registe too ohin loron triste iha ne’e tanba ita hasoru hela lian Portugés,english no seluk tan,no ita mos rekoñese katak lian ofisiál rua mak Portugés no tetun, no espera katak too tempu ida bele troka Portugés “.
Iha fatin hanesan Diretora Institutu Nasionál linguístika (INL) Rosa da Costa Tilman hato’o mos katak “ objetivu prinsipál husi atividade ne’e mak formasaun kontinua signifika iha tempu liuba iha ona faze inisial no dadaun ne’e segundu faze sei kontinua to remata livru ida ho naran Gramatika tetun, kadaves ami mai lori pontus sira iha Gramatika nia laran hodi fo semináriu nune’e gramatika ne’e too remata, INL ne’e hasoru delimitsaun oioin ida mak tempu,se ami perkore iha Munisípiu hotu entaun ami labele uza tempu barak,kada fulan ami kobre iha Munisípiu ida,iha semináriu ne’e oinsá dezenvolvimentu tetun ne’e no sei ko’alia kona-ba substantivu sira,adverbiu no pronomiu,no la sufisiente tanba tempu limitadu no topiku barak iha gramatika nia laran “.
INL hanesan instituisaun akadémika iha UNTL nia mahon ho knaar ida atu responsabiliza hodi promove nafatin lian Tetun liuhusi peskiza sientífiku no formasaun dalen Tetun ba entidade hotu iha territóriu Timor-Leste.
Jornalista : Eugenia Alves
