Jornalista Rpv dadalia ho Enfermeiru Rosito Manuel da Costa Pereira iha knar fatin postu saúde Loi-huno hatoo katak moras ispah no kulit mak registu ass iha postu saúde nee atu prevene liu husi ijiene,uma laran mos han hemu tenke fase liman dahuluk depois mak konsumu,bele mos gripe, klima,tempu udan anin mos bele hetan moras hirak ne’e,moras kulit hadaet husi bee foer no ambiente, liuliu labarik kik sira ne’ebé mak halimar bee foer ida ne’e fasil tebes atu hadaet moras kulit,
Alende ne’e enfermeiru akresenta tan katak stock ai moruk iha postu saúde Loi huno sufisiente ba komunidade sira nia preokupasaun, maibé realidade ne’ebé iha ita rona no hare ba stock ai moruk husi nasionál,pedidu husi postu ba centru no Munisípiu la’o hela kada fulan maibé defende ba stock husi Nasionál ai moruk iha despasu tuir pedidu ne’ebé kada fulan ami hatoo.
Enfeirmeiru Rosito Manuel da Costa Pereira rekomenda ba Ministeriu da saúde katak ida nebe mak kompetensia liu ba ai moruk no aimoruk ne’e mós importante liu ba ita nia saúde no ita ema,ho maneira oinsá mak ita hotu hamutuk hatan ba komunidade sira nia preokupasaun hirak ne’e,no husu mós ba komunidade sira di’ak liu ita prevene duke kura, mai ita hamutuk kuidadu ita nia saúde.
Pesoal saúde servisu iha PS Loihuno hamutuk nain tolu(3) médiku jeral ida (1), enfermeiru ida(1) no parteira ida (1) fasilidade saúde loi huno iha sala haat,dormitorio ba pesoal saúde ida,cozinha no toilet,
Total populasaun konsulta iha ps loi huno hamutuk rihun rua atus haat rua nulu resin tolu(2423.)
Entretantu iha fatin hanesan komunidade sira mos preokupa ho stock vasina labarik husi fulan 9 ba leten laiha/stock out iha Postu saúde loi huno
Hanesan komunidade Francisca da Costa hatoo katak sente triste tebes tanba nia oan halo ona tinan 1 fulan neen lori ba postu no sentru saúde atu vasina maibé ai moruk laiha, no husi pesoal saúde dehan mai ami katak hein de’it,ho ida ne’e ami hakarak husu ba Ministeriu saúde bele resolve took kona ba ai moruk hirak ne’e,
Tuir enfermeiru Rosito Manuel pereira iha knaar fatin ps loihuno mos hatutan katak ai moruk ba vasina labarik ho ida fulan 9 ba leten ne’e stock mamuk durante fulan lima ona tuir informasaun ne’ebé sira katak husi nasionál mos laiha,pedidu ami hatoo hela maibe seidauk iha resposta positivu no la’ós postu saúde loi huno de’it maibe kuaze postu saúde hotu stock vasina laiha,ho ida ne’e husu nafatin ba Ministra saúde buka meius oinsá hodi resolve tok vasina sarampu nian.
Jornalista; Eugenia Alves
