Sekretariu Estadu Asuntu Toponomia Organizasaun Urbana (SEATOU) Germano Santa Brites hamutuk ho ekipa no akompaῇa hosi PAM no Directores Linas Ministeriais sira tau ona markasaun ba uma sira nebe maka okupa hela espasu publiku iha capital Municipiu Viqueque nian. Molok atu tau markasaun ba uma hirak ne’e SEATOU hala’o uluk dialogu ho Komunidade sira iha salaun Administrasaun Municipiu Viqueque nian hodi esplika objetivu hosi tau markasaun ne’e. Iha intervensaun PAM Viqueque Francisco Cruz Simoẽs Gonzaga Soares hato’o bemvindu ba SEATOU ho ekipa tamba bele prejensa iha Municipiu Viqueque hodi hadiak dejenvolvementu iha capital Municipiu nian.
“ Nudar Viqueque oan ita hakat tan pasu id aba oin ohin koalia kona ba desenvolvementu atu mai dadauk ona, prejensa SEATOU iha ita nia let atu hahu ona. Nune’e dala ida tan bemvindu ba sua exelensia no bemvindu mos ba komitiva hosi Nasional nebe maka tempu barak ona mai koalia ho ita maibe ohin, sua exelensia iha rasik ona ita nia let, aproveita iha biban ne’e atu exelensia bele koalia netik buat barak ba ita fo hanoin ba ita liu liu cefe suku sira nebe maka mai hosi suku 38 atu rona rasik hodi bele banati tuir “.
Iha intervensaun SEATOU nian Germano Santa Brites husu ba Dira. Jestaun Merkadu no Administrador Posto Viqueque vila atu tenki servisu maka’as ba espasu publiku iha sidade laran, tamba dekretu lei no. 3 fo dalan atu hodi halo servisu no la hare ba kor ka rasa.
“ Ohin hau nia prejensa iha Viqueque atu halo servisu, husu ba Dira. Jestaun merkadu no APA Viqueque vila atu servisu maka’s, ba ita nia espasu publiku sidade laran. Dekretu lei 3 fo dal aba ita atu halo servisu ita la hare ba kor partidu, ita la hare ba arte marsiais no ritual, ita la hare ba feto sa umane, ita hare maka espasu publiku ba ema hotu hotu, okupa espasu, baleta, trotoar taka baleta hodi taka be dalan ita sobu. SEATOU dekretu lei fo dalan atu sobu, I sobu hotu maka Obras Publiku mai hadia. Dekretu Lei la dehan SEATOU sobu hotu tenki selu “.
Germanu mos kontinua hatutan dehan iha espasu 3 ka hat atu hodi la’o tuir ba mak sidadaun sira la kumpri entaun hein desijaun tuir mai. Tamba ne’e hanesan sidadaun diak maka tenki hakru’uk ba lei.
“ Ita iha espasu 3 ka 4 ita la’o tuir, primeiru ita fo avizu, segundu ita fo notifikasaun 30 dias la kumpre mais 10 dias loron 10 tan la kumpre hein desijaun. Estadu iha kriterias sira ne’e, la kumpri tan ita sobu. Para hodi hein endiminijasaun ka gante rugi ruma hosi Obras Publiku. Hanesan sidadaun diak ita hotu tenki kopera, tenki hakru’uk ba lei. Laiha ema ida maka dehan lakohi kopera, tamba ita hotu hotu tenki hakru’uk ba lei, laiha ema ida maka as liu fali lei “.
SEATOU mos kontinua afirma katak komesa agora to’o iha fulan Maiu nia klaran nia mai para atu hadiak sidade Municipiu Viqueque.
“ Mais ohin hau dehan ba Viqueque oan sira, komesa ohin to’o fulan Maiu nia klaran hanesan ne’e para atu hadiak sidade. Orsida hau ba tau ona markasaun. Ba sira nebe maka sira nia uma hetan markasaun atu labele triste labele tanis tutur liman, halo favor sobu rasik muda rasik. Hasai tiha foto hamutuk ho Director Obras Publiku hasai foto ho eleitoral ho nia na’in identifika ona sira nia uma nebe maka permanente depois maka ita hare “.
Ikus liu SEATOU mos husu ba sidadaun sira nebe maka okupa hela uma estadu sira atu prepara dadauk ona hodi hare fatin nebe mamuk hodi mud aba, inklui mos ho animal sira hotu
“ Sia nebe maka okupa hela uma estadu, hakiak fahi, halo favor muda. Operasaun ida hau sei mai agora mai ho ekipa konjunta, fahi mos ita hasai, Baraka sira mos ita sobu no animal sira nebe maka sei husik livre sosialija. Ekipa sira nebe maka la’o hamutuk ho hau ne’e hau nia kontrola, orientasaun iha terenu laiha ema ida intervene, sobu sobu. La kontente dehan vitima lori ba tribunal depois maka hau ba hatan. Hotu hotu tenki kopera, se lakohi kopera ne’e hakarak hatudu katak atu koko Governu nia forsa “.
Ikus liu hosi intervensaun SEATOU husu ba Viqueque oan hotu atu kopera ho Estadu no Governu hodi hari fali Viqueque ida diak hodi manten sidade Viqueque sai mos ( mos, organijadu, saudavel no seguru ). Tamba Viqueque atu sai furak sai sidade maka tenki iha planeamentu nebe diak.
Entretantu hafoin de hala’o tiha dialogu ho komunidade no autoridades Municipal sira kontinua kedas ba hare espasu publiku sira nebe mak komunidade sira hela ba hodi tau kedas markasaun komesa kedas hosi ponte Weradek mai to’o iha merkadu antigun Viqueque nian no hetan seguransa hosi PNTL Municipiu Viqueque no mos seguransa sira nebe akompana SEATOU hanesan PM.
Atu informa mos ba publiku katak iha dialogu ne’e hetan partisipasaun hosi SEATOU ho nia Directores sira, PAM Viqueque ho nia sekretariu na’in 3, Directores linas ministeriais sira, APA na’in 5, Cefe sukus 38 nebe iha area kobertura Municipiu Viqueque nian, Padre Parku Imakulada Konseisaun Viqueque, reprejentantes ONG sira, Mdres, Juventude no konvidadus sira seluk tan.
Jornalista ; Adriano A. Mesquita
