Iha Loron Tersa feira semana ne’e iha fatin sede suku Caraubalo, Postu Administrativu Viqueque vila, Secretario Estado Terras e Propriedades, Jaime Xavier Lopes hamutk ho komitiva halao enkontro komonitario ho komunidade Suku Caraubalo kona ba levantamento kasdastral ba distribuisaun Direito ba Propriedade.
Objektivo hosi enkontru ne’e maka, atu esplika ba komonidade sira, kona ba sira nia rai iha tempo ne’eba Sistema Nasional Kadastral halo tiha ona levantamento espliksaun Mapa ba rai sira nebe’ mak la iha problema no rai disputa, ida ne’e maka tekniku sira sei mai Re-indentifika fila fali Nia’in lolos ba rai.
Liu hosi enkontru ne’e representante Presidente Autoridade Munisipio {PAM} Viqueque Acacio de Sousa hato’o katak, “Nudar Autoridade Munisipio husu ba Autoridade local, Polisia komonitariu suku {OPS}, Komandante exkuadra hamutuk ho teknika hosi Terras e Propriedade hodi halo levantemento kadastral distribuisaun titlu na-in ba Rai ba komonidade sira “.
Komandante PNTL Munisipio Viqueque Antonio R. Fernandes hato’o katak “ohin loron ne’e importante ba ita hotu atu hodi rona lia fuan balun nebe’ hato’o hosi Secretariu Estado Terras e Propriedades ne’ebe’ sei koalia kona ba ita nia direito dever no preokupasaun liga ho Rai nebe’ maka ita hela ba, iha Munispio Viqueque rejista hela kaju problema disputa Rai, tanba deit hotu-hotu reklama Rai ne’e hau nian “.
Nune’e Secretary Estado Terras e Propriedades Jaime Xavier Lopes loke ofisialamente ba Enkontru komonitariu levantamento kadastral ba atribisaun direitu ba propriedade ne’e, no Nia sei koalia kona ba Levantamento Kadastral Atribuisaun Direito ba Propriedade.
Enkontru ne’e halao ona iha Munisipio Baucau, Lospolos, Manatutu inklui Munispio Viqueque.
Partisipa iha Enkontru komonitariu ne’e maka, Representante Presidente Autoridade Munisipio (PAM) Viqueque, Komandante PNTL Viqueque, Secretariu Estado Terras e Propriedades ho nia komitiva, cefe suku Caraubalo, cefe aldeia sira inklui komonidade hosi aldeia hitu iha suku Caraubalo Posto Administrativo Viqueque vila nia konta.
Jornalista; Lourensa Soares
