Komunidade iha area Pemancar aldeia Kabira Oan suku Carau Balo Posto Viqueque vila la asesu ba be mos besik tinan ida (1) ona. Tuir konsumedor Lourenḉo dos Reis ho Jose Nogeira da Silva katak sira la asesu ba be besik ona tinan 1. “ Ami iha bairo Pemancar ne’e fulan birak ona maka la asesu ba be hosi BTL nian ne’e, no ami ba hasoru ona dala hira kedas maibe laiha asaun ruma hosi sira (BTL), tamba ne’e maka durante ne’e ami balun nebe osan iha sira ba sosa deit, maibe balun nebe laiha osan tenki la’o kilometru 2 resin hodi bele kuru be. Ne’e defikuta tebes baa mi nia oan sira atu ba escolar no inan sira mos susar los atu haris no fase, ne’e bele defikuta mos ba ema nia saude. Tamba ne’e ami husu ba BTL atu tau atensaun hodi hadiak para be ne’e bele mai fali. Atu tau kontador mos laiha buat ida, ami pronto atu selu “.
Hatan ba preokupasaun komunidade sira nian ne’e, Director Be Timor Leste (BTL) IP Municipio Viqueque Marito da Silva Klarifika katak, “ La’os besik tinan, se tinan entaun sira mate hotu ona, maibe foin maka semana rua ka tou nia laran. No agora dadauk ne’e ekipa tekniku sira halo hela ona levantamentu dadus atu hodi normaliza hikas fali be ba sira, (komunidade iha area Pemancar). No be la ba ne’e mos tamba sira nia hahalok rasik, iha komunidade balun maka mai tesi kotu tiha pipa ( poli paid) iha kraik ne maim aka be labele sa’e ba ne’e”.
Entretantu Dir. BTL IP ne’e mos reaca katak maske nune’e maibe to’o agora seidauk iha kliente ruma hosi area refere ba hato’o keixa ruma iha nia edifisiu, no karik iha keixa tama mai hau nia fatin ami tenki lalais ba atende, hanesan mos ho EDTL.
Iha area Pemancar komunidade nebe hela iha neba hamutuk uma kais 40 resin no abitantes hamutuk liu atus tolu (300), no area ne’e rasik mos hola parte ba suco Carau Balo nebe hanesan suco vila nebe lokaliza iha Cidade Kapital Municipio Viqueque nian.
Jornalista : Adriano A. Mesquitq
