Kongresu Datoluk Assosiasaun Feto Viqueque (AFVIQ}, sei fo espasu hodi halibur representante feto maluk Viqueque oan sira husi nivel Aldeia, Sucus, Posto Administrative, no Representannte Linhas sectorais oin-oin iha Munisipio Viqueuqe.
Iha Kongresu datoluk Assosiasaun Feto Viqueque (AFVIQ) Feto maluk sira organiza malu hodi halo pakote rua, pakote A no pakote B, maka avansa ba Eleisaun ho nune’e Feto maluk sira sei fo fiar nafatin ba Luciana Guterres sai hanesan Presidente Assiasaun Feto Potensial iha munispio Viquque periodu 2025 to’o 2028.
Luciana Guterrres hato’o dehan, kongresu ne’e ‘’Ha’u hetan fiar ba Dala Tolu hosi ita nia maluk Feto Delegadas hamutuk 130 hetan nafatin fiar hosi feto maluk oinsa atu empodera Feto maluk sira ba foti desizaun ba iha sira nia An rasik, empodera mos atu partisipa iha prgrama Ekonomia no atu Hakbit sira iha formasaun liga ho lideransa ‘’.
Presidente Assiasaun Feto potensial Viqueque Re-eleito Luciana Guterrres hato’o tan katak, Programa perioridade Permeiro enkontru ho maluk sira nebe sei konvida atu iha programa sira, servisu hamutuk ho autoridade local, Posto no Munisipio oinsa ita iha kolaborasaun hamutuk hodi hala’o servisu liu-liu atu hakbit Feto maluk sira .
Presidente eleitu Assiasaun Feto Potensial Viqueque Luciana Guterrres hato’o lia menon ba Feto maluk sira nebe iha suku 38 katak karik iha konviti nebe ba iha ita Bot sira nia fatin tenki respeita konviti sira ne’e, atu nune mai hamutuk atu ita hodi haforsa malu hodi hare ba iha ita nia Sucu, Aldeia, Posto, no Munisipio.
reprepresentante Autoridade Munispio {PAM} Viqueque Leopoldino Da Costa Alves nebe hanesan mos administrador Posto Viquque vila hato’o katak; Democracia ne’e mosu atu reforsa ona Feto sira nebe mak iha baze sein iha koinesemento, hanesan Autoridade nafatin akompana servisu sira nebe hala’o hosi Estrutura Eleitu ba tinan ne’e. Leopoldino Da Costa Alves mos hato’o mensagen hosi Presidente Autoridade Munispio (PAM) Viqueque katak “ Autoridade pronto servisu no kolabora maximo ho Assosiasaun Feto Potensial Viqueque ba implementasaun programa tinan ne’e nian.”
Entretantu Kongresu Assosiasaun Feto Viqueque {AFVIQ}, nian ne’e halao ba Dala tolu hahu hosi loron 24 to’o loron 25 fulan febreiro tinan 2025 liu ba, no hola fatin iha fatin salaun administrasaun munispio Viquque ,hanesan eventu importante ida hodi halibur feto maluk hosi postu administrative lima iha munispio Viqueque, nudar biban, espasu no oportunidade atu partisipa ho maximo hodi hato’o kestaun ba feto nia desenvolvimento Direitus Humanus iha munispio Viqueque liu-liu aspeitu politikus, sosiais, kurturais, ekonomikus, justisa, empoderamento Igualidade no inkluzaun.
Jornalista; Lourensa Soares
