Konsellu veteranus no kombatente da libertasaun nasionál Zona 20 de Maio ossú halo konferensia da inprensa konaba sira nia lamentasaun ho lista edital combatebetes da libertasaun nasionál ne’ebé públika iha loron 15/01/2025 iha territóriu laran tomak.kkonferensia da inprensa ne’e hala’o nia kampu futebol ossú.
Tuir porta voz Filomeno da Costa Guterres “waimera” hato’o katak, “ lamenta tanba sente hanesan Governu halo diskriminasaun ba ami konbatente da Libertasaun nia direitu ne’ebé registu iha 2009. No husu atu altera lei kona-ba artigu 27 lei númeru 3/2024 konaba estatutu antigu konbatente libertasaun Nasionál, ko’alia kona-ba pensaun sobrevivensia hateten katak ema ne’ebé iha direitu gerileiru mak martir fen no oan sira katak martir sira ne’ebé mate ho klosan ka la iha oan, nia maun alin ka inan aman laiha direitu ba pensaun ne’e ami la simu. Husu ba Governu liu husi Ministeriu dos Antigus Combatente da Libertasaun Nasionál kria lei hodi konsidera ba ema ho idade kiik sira ne’ebé partisipa iha funu laran hanesan labarik idade kiik maibé iha frente armada (FALINTIL), idade kiik maibé partisipa iha frente klandestina, idade kiik maibé iha hotu ona baze de apoiu,idade kiik maibé desterra hotu, neduni husu Governu konsidera mos estrutura organizasaun klandestina ne’ebé moris iha tempu rezisténsia hanesan Zona kaixa I mos konsidera asina responsavel zona no kaixa nia iha dokumentus kontestasaun,valoriza mos ema ne’ebé hetan violasaun ka turturasaun tanba família iha hela ai laran ka destera hodi kastigu iha Ataúru,husu atu hadia komfimadu hotu mak bele taka sai dala ida labele balun uluk no balun ikus ida nee la Justu “.
Iha fatin hanesan Celeste da Costa Sarmento Guterres, veteran ” Miria kakai ” aumenta tan katak, “ ba ami nia direitu ne’ebé mak iha 24 anos ami hamutuk ho kaisa sira,ami nia lamentasaun importante liu mak latama iha kategoria livrus prejadus ida ne’e mak ami husu ba Kombatentes da Libertasaun Nasionál too Ministru atu hadia ami nia direitu. Menus tres anos ida ne’e mak ami la aseita reklamasaun ida ne’e ba ami no dadus ne’ebé iha ami nia fixa balun dez anos no oito mezes, maibe dia 15 de Janeiru taka edital menus tres anos mak ami lamenta,ho ida nee ami ezije nafatin ami nia direitu ne’ebé iha fixa laran lahanesan, balun ne’ebé idade kiik bele hetan 8 a 14 maibé iha ami nia fixa laran kona ona 8 a 14 maibé ami bele hetan deit menus tres “.
Alende ne’e sekretáriu da zona 20 de Maio Candido Henrique Da Silva “Dai Wary” konfirma katak,
“ Tuir ha’u nia hare lista edital taka sai iha 15/01/2025,balun los tanba sira rasik mak fo dadus maibé iha momentu ne’ebá sira balun keta haluha lakompleta sira nia dadus karik ida ne’e mak sira halo konferensia da inprensa no alende ne’e sira mos hadia iha ona formulariu iha testemuña nain rua,lori fali ba CCLN Munisípiu sei ba entrega iha ne’ebá.Ha’u hanesan sekretáriu da zona ho vise sira ami simu ona osan,ami atu lahalo mos labele tanba kombatente sira ne’e uluk hatene katak balun bapa baku, tebe, kastigu, hetan detensaun preventiva prolongada dalaruma iha dadus mak haluha la priense hotu karik,tanba ida ne’e mak sira halo ezijensia ida ne’e hodi kompleta fali sira nia dadus,formulariu ne’ebé sira atu priense iha ona, buka testemoña ne’ebé uluk kastigu no servisu hamutuk ami mos husu ba komandante sira uluk halo kontaktu direita ami husu sira mos ajuda asina sai testemuña para komisaun bele hatene los katak ema ne’e uluk halo funu tanba ida ne’e mak halo komferensia da enprensa ida ne’e husu pedidu ba Ministeriu Asuntus Veteranus Combatentes da Libertasaun Nasionál atu oinsa sira nia dadus too iha ne’ebá sira bele ajuda halo los fila fali. Sira ne’ebé prepara ona atu ba hatama besik atus ida ona, ba oin sira idadak ba sira nia nureb ka ba uma atu bele prepara sira rasik mak fo dadus rasik fo sira oan ka maun alin tenke liu liu ba sira katuas no ferik ne’ebé labele hakerek tanba atraves de komisaun de zona dala ruma sira deskonfia ami keta hakerek sala tanba ida ne’e mak sira koalia no oan ka maun alin mak hakerek rasik “.
Jornalista; Eugenia Alves
