Ttersa feira semana ne’e, Sarani Parokia Ossu Selebra Missa Padroeira Santa Terezinha do Menino Jesus ba dala 87, sarani foti santa Terezinha do Menino Jesus sai hanesan padroeira ba rai misaun Ossu iha tempo amululik Zaquel nia Pastoral, hatur kedas iha ne’eba.
Parokiano Ossu oan tomak iha devosaun maka’as ba Inan Santa Terezinha do Menino Jesus kontinua nia Estatua hala’o ba iha fatin –fatin hosi suku ba suku, Padroeira Santa Terezinha do Menino Jesus ho Divinha Mizer-rekordia horik tinan ida nia laran iha suku Osorua, no hosi vizita ne’e lori ona matak malirin Esperitual ba ita no matenek kwaik ba sarani sira.
Iha Selebrasaun Missa Padroeira Santa Terezinha do Menino Jesus ba dala 87 ne’e, Padroeira Santa Terezinha do Menino Jesus ho Divinha Mizer-rekordia ne’ebe hamutuk ho sarani suku Osorua durante tinan ida nia laran ne’e, ho nune’e Estatua padroeira Santa Terezinha do Menino Jesus ho Divinha Mizer-rekordia entrega fali ba suku Loihuno.
Selebrasaun Missa Padroeira Santa Terezinha do Menino Jesus iha homilia amu parokia Viqueque Tomas de Aquino ba sarani sira katak, “atu ita reflete fali Maromak Nia Lia Fuan Sira no festa Santa Terezinha do Menino Jesus mahein Padroeira Parokia Ossu. Selebrasaun tinan-tinan ita hala’o konvida nafatin ita sarani hotu-hotu especial ba sarani parokia Ossu nian atu hare ba Figura no exemplo Santa Terezinha do Menino Jesus nian, buka atu hala’o iha ita nia moris hanesan sarani fiar nain, lia Fuan ne’ebe sai hanesan Santa Terezinha do Menino Jesus nia Vertude ne’ebe Nia Dehan, Hau Nia Vokasaun Mak Domin. Maromak bolu ita hotu-hotu liu husi dalan oin oin, maske nune’e hosik buat hirak ita ema la hanesan maibe Domin sei hanesan Save ida importante teb tebes ba ita ema moris iha Mundo Raiklaran .ita hotu hotu iha vokasaun, liu husi knar ne’ebe ita ida idak simu no hala’o iha ita nia moris, buat sira ne’e hotu ita hala’o tanba Domin “.
Partisipa iha selebrasaun missa Santa Terezinha do Menino Jesus ba dala 87 ne’e mai hosi representante amu Bispo Dioseze de Baucau, amu Parku Imaculada Conceiḉaồ Viqueque, Administrador Postu Administrativo Lakluta, autoridades Posto Ossu, Madres no sarania sira Parokia Ossu nian.
Jornalista; Lourensa Soares
