Autoridade Protesaun Civil (APC) Municipiu Viqueque komesa hosi fulan Janeiru mai to’o fulan Julhu tinan 2024 ne’e rekolla ona dadus uma kain hamutuk 142 afetadu hosi desastre naturais nebe mai ho kategoria nebe la hanesan no sira nebe maka tama iha kategoria at total hamutuk 68. Lia ne’e hato’o hosi Komandante Autoridade Protesaun Civil (APC) Municipiu Viqueque Serilo Soares Gomens ba jornalista RPV foin lalais ne’e iha nia servisu fatin Viqueque Beloi. Serilo mos konfirma katak ba sira nebe ho kategoria at total dadus no relatoriu submete on aba Nasional hodi hein nia prosesu maibe ba sira nebe maka tama iha kategoria at Kaman parte APC Municipiu fo kedas ona atendementu emerjensia.
“ Parte Protesaun Civil hala’o nia servisu liu liu liga ba foti dadus iha terenu komesa hosi fulan Janeiru mai to’o iha fulan Julhu 2024 total uma kain iha 142 nebe maka mai ho nia kategoria maka hanesan, anis sobu, ahi han, mota sobu no rai halai mos. Hosi total sira ne’e kompostu hosi Postu Administrativu Viqueque Vila iha uma kain 85, Lacluta uma kain 13, Postu Ossu 17, Watulari 20 no Postu Administrativu Watu Carbau iha uma kain 7 maka afetadu ba dezastre Naturais. Hosi total uma kain 142 nebe afetadu ne’e ho nia nivel estragus maka hanesan sira nebe maka at total hamutuk 68, kategoria ba at naton iha 15 no sira nebe at Kaman iha 59. Hosi uma kain sira ne’e iha apoiu oin rua ida maka apoiu emerjensia, ne’e ami halo kedas wainhira foti dadus, no ida seluk fali maka hetan apoiu rekoperasaun. Ida ne’e ba deit sira nebe hetan estragus total no ida ne’e ami haruka hotu ona dadus ba iha Nasional hodi hein deit wainhira Nasional halo ona aprovasaun no envia material sira ne’e mai iha Municipiu entaun ami halo ona destribuisaun ba sira nebe maka iha direitu “.
Serilo Soares Gomes mos kontinua deklara katak, ba tinan 2024 ne’e APC Mnicipiu Viqueque hetan pakoteamentu hamutuk 300 no hosi Janeiro to’o Jullu tinan ne’e sira halo ona destribuisaun 142 ba vitimas sira no sei hela 100 resin
“ Iha tinan 2024 ne’e APC Viqueque hetan pakotementu hamutuk 300 kompostu hosi aihan no laos aihan no ami halo ona destribuisaun hamutuk 142 no sei iha 150 resin, no ne’e iha tempu badak ne’e tuir ami nia estimasaun sei sufisiente, maibe maka karik la to’o ami sei halo tan pedidu ba Nasional “.
Komandante APC ne’e mos klarifika katak durante ne’e sira servisu hamutuk ho agensia telekomunikasaun sira liu liu Timor Telkom atu hodi manda mensajen relasiona ho dezastre naturais ba kliente sira no mos tau ona komisaun ida iha suku sira hotu atu nune’e bele informa lalais akontesementu sira iha suku.
“ Parte APC servisu hamutuk ho parseirus sira liu liu hanesan Timor Telkom hodi manda mensajen sir aba kliente nebe maka uza sim card TT no ami APC rasik mos sempre hala’o sosializasaun hodi fo hanoin ba ita nia komunidade sira atu sempre tau atensaun ba dezastre no mas parseiru sira nebe maka servisu hamutuk ho ami. Nune’e mos ita iha on aka instala ona komisaun ida nebe hanaran Komisaun Jestaun Risku Dezastre iha suku sira nune’e bele hafasil autoridade suku sira karik akontese dezastre iha suku entaun sira informa kedas mai para nune’e ita halo kedas atendementu emediatu ba sira.
Ekipa kobertura RPV
