Ekipa hosi Eletrecidade de Timor Leste EDTL – EP Municipiu Viqueque Sesta feira loron 19-07-2024 ne’e halo sosializasaun ba komunidade Suku Dilor no suku Ahic Postu Administrativu Lacluta. Cefe ekipa EDTL_EP Municipiu Viqueque, Eduardo Sarmento ba jornalista Radio Povo Viqueque (RPV) dehan;
“ Objetivu ohin ami mai iha Suku Dilor ne’e atu fahe informasaun ba komunidade sira liu liu atu monta kontador prepagu iha Suku Dilor “,
Hatan ba preokupasaun hosi konsumudor sira nian kona ba limpeja ka hamos ai sira nebe maka besik linha eletricidade tamba defikuta ahi sempre mate hela deit Cefe Eduardo klarifika katak;
“ Kona ba limpeja ninian ida nebe maka entrega on aba EDTL ne’e EDTL iha responsabilidade hodi kontinua halo limpeja, liu liu ai horis sira nebe maka afeta ba ita nia linya distribuisaun ita halo limpeja, kona ba uma sira nebe maka seidauk instala, iha parte rua. Ida nebe maka antes ne’e dadus tama tiha ona iha kontratu ida kompanya nian mais seidauk instala entaun ami sei bolu kompanya para atu hare. Mais dadus ida nebe maka seidauk tama iha kompanya antes kompanya mai ezekuta obra ida ne’e, sira rasik tenki ba rejistu fali iha EDTL par abele hetan ahi. Ne’e ita bolu dehan globalizasaun. Tamba ida nebe maka seidauk entrega ba EDTL ne’e sei iha responsabilidade kompanya nian, no ida nebe maka entrega on aba EDTL ne’e responsabilidade EDTL nian “.
Eduardo mos konfirma katak iha uma kain 118 maka sei hetan instalasaun, maibe antes atu instala EDTL sei mai fali hodi fo hatene ba Sefe Suku no Sefe Aldeia sira.
“ Hosi Suku Dilor ba to’o iha Crarec Biku, iha mota sorin ne’e kuaze iha sentu dezaoitu (108) klientes ka KK, nebe ita sei instala, depois informasaun hanesan ohin ita fahe ne hotu ami sei hare mos sentru de venda iha ne’e atu monta ami sei inform aba Sefe do Suku no Sefe Aldeia sira maka ami sei mai fali iha ne’e hodi monta “.
Entretantu Domingos Ramos hanesan konsumidor ka kliente EDTL dehan nia pronto atu kopera ba dezenvolvementu, maibe husu ba EDTL atu kria kondisaun halo diak atu nune’e labele defikuta ahi mate lakan no nia mos husu ba EDTL atu halo tan rekrutamentu ba pesoal ka funsionariu iha Posto Lacluta.
“ Hanesan sidadaun hau pronto atu kopera ho dezenvolvementu sira nebe maka la’o, maibe antes atu monta prepagu ne’e hau hakarak rekomenda ba EDTL atu linya sira nebe maka atu mai to’o iha komunidade nia let presija hamos, atu nune’e ba future faillansu sira nebe maka akontese hanesan ahi mate beibeik no mos presija identifika rai sira nebe maka atu hari rin eletricidade atu nune’e labele akontese hanesan rai halai, tamba bele fo mos impaktu baa hi eletricidade no mos kliente sira. Rekomenda mos ba EDTL atu rekruta tan funsionariu tamba iha Postu Lacluta iha deit funsionariu na’in 3 sira labele fo atendementu nebe diak ba kliente sira hotu “.
Entretantu iha parte seluk Lia na’in Claudio Soares husu ba EDTL atu resolve uma kain 3 nebe maka hanesan Uma ba Kbit laek (UKL) nebe to’o agora seidauk dada ahi eletrecidade tama.
“ Iha ne’e uma kain 3, ne’e uma UKL nian no komunidade bain bain nian ida, ne’e ahi seidauk tama. Tamba ne’e husu ba EDTL ho kompanya atu mai resolve hodi dada tiha ahi tama tamba iha uma laran ne’e responsabilidade PNDS nian maibe hosi air in bot ka fiu metan ne’e mai to’o iha uma leten ne’e responsabilidade EDTL ho kompanya sira nian. Maibe ohin hau hato’o ba EDTL dehan tamba wainhira sira mai halo instalasaun uma 3 ne’e seidauk iha, tamba ne’e tenki ba rejistu fali hodi bele hetan ahi “.
Jornalista ; Adriano A. Mesquita
