Segudan feira semana ne ‘e Komandante autoridade protesaun sivil Munisipio Viqueque Sirilu Soares Gomes liu husi entrevista ba jornalista Radio Povo Viqueque (RPV) informa dehan, autoridade protesaun sivil nian servisu liga ba dejastre ita adopta lei Seguranca Nasional hodi servisu hamutuk iha seksaun dejastre nian. Liga ba servisu protesaun sivil halo kordenasaun no implementasaun .
Komandante autoridade protesaun sivil Munisipio Viqueque Sirilu Soares Gomes informa tan katak, Servisu autoridade protesaun sivil verifikasaun dadus dejastre ne’ebe submete ba iha Nasional hamutuk 156 afetado husi Posto Administrative lima iha Munispio Viqueque hahu husi fulan janeiro to fulan setembro tinan ne’e ( 2024 ) . Ho dejastre ne’ebe akontese kompostu husi nia kategori , at total hamutuk 78, at naton 16, no at Kaman 62, nia hatutan liu husi habitante ne’ebe hetan ona sasan emerjensia hamutuk 127 maibe sira mos iha direito hetan sasan de rekoperasaun no habitente ne’ebe hetan apoiu emerjensia hamutuk 29.
Komandante autoridade protesaun sivil Munisipio Viqueque Sirilu Soares Gomes nafatin informa servisu protesaun sivil nia apoiu hare liu ba iha uma neebé komonidade sira hela tuir lei no 7 bara 2021.
Komandante autoridade protesaun sivil Munisipio Viqueque informa liu durante protesaun sivil halao nia servisu liga ba tipu dejastre ne’ebe tinan-tinan afeta ba komonidade maka hanesan inundasaun kauza husi udan boot no anin boot.
Komandante autoridade protesaun sivil munisipio viqueque hato’o mos nia mensagen ba komonidade sira hotu liu-liu komonidade ne’ebe iha area rural hela iha fatin risku no fatin neebé perigu ba ita nia vida atu hases an husi fatin risku hirak ne’e atu nune’e labele hetan bebeik dejastre kada tinan.
Jornalista ; Lourensa Soares
