Komunidade aldeia Samaliu suku Loi huno postu Ossú, iha uma kain sanulu resin lima(15) seidauk asesu ba be mos no hela dook husi postu no suku ,no iha tempu bailoron naruk obrigado lao ain too kilometro rua husi rezidente ba mota uaibere mak foin hetan bee mos hodi konsumu ba moris loroloron nian,maske suku loi huno riku ho bee maibe nia sidadaun oras nee dadaun nafatin halerik ba bee mos.
Tuir komunidade Mario Pereira da Costa iha nia residente darsare haktuir ba jornalista RPV segunda feira neé katak iha ami nia hela fatin darsare iha tempu bailoron naruk ami sempre ba iha mota uaibere hodi kuru bee no lao ain kuaze kilometru rua.
“Iha ami nia hela fatin darsare iha tempu bailoron naruk ami sempre ba iha mota uaibere hodi kuru bee dadaun ita hatene katak tempu udan hela, no ami mos komsumu hela udan ben no tempu bailoron obrigadu ami tenke ba mota uaibere hodi kuru be tanba nee husu ba parte relevante sira hanesan SAS no BEE TL,munisipiu viqueque se karik bele tau matan mos mai iha komunidade iha darsare,no iha tempu bailoron naruk tebke hakta ba mota uaibere ho kilometru rua hanesan ami joven sira tempu bailoron ami lalin jerigen sira lalin bee iha mota sei diak netik maibe ferik no katuas sira ladun komfortavel atu lao.”
Alende nee sefe suku loi huno Filomeno Guterres iha nia knar fatin sede suku loi huno hatutan tan katak molok hau mai hanesan sefe do suku iha tinan 2023 iha ona programa Nasional Dezenvolvimento do suku no sefe do suku anterior fo ona proposta konaba ba bee mos nian
“Molok hau mai hanesan sefe do suku iha tinan 2023 iha ona programa Nasional Dezenvolvimento do suku no sefe do suku anterior fo ona proposta konaba ba bee mos nian no momentu neba sira planu husi maupula tun mai too darsare,bainhira proposta nee pasa ona,PNDS munisipiu no nasional mai dehan redus fali orsamentu no programa PNDS nian implementa duni,hetan bee mos mak aldeia kai latulae no lia uaioli,planu dada be mos tun mai darsare la konsege tanba orsamentu kik no ami mantein nafatin proposta,ema nebe iha osan atu realiza programa sira nee mak PNDS,no foin lalais nee haú komfirma ho sefe beetl katak komunidade darsare sira sei hetan bee area urbana katak kada uma kain sei tau intalasaun metrokontador no sei selu tuir uza bee,tanba ida nee kategoria urbana,bee area rurais nee mak hanesan dadaun komunidade sira iha kailatulale,lia uaioli no bubur laran uza,”
Entretantu Diretor Servisu Munisipal de Agua Saneamentu e Ambiente (SMASA) Guilhermino Gomes Soares iha nia knar fatin beloi akresenta tan katak konaba uma sira nebe mak seidauk asesu bee mos ita hare mos nia impaktu hanesan uma iha foho leten no bee matan kraik ho ida nee mak sira seidauk bele asesu bee mos.
“Konaba uma sira nebe mak seidauk asesu bee mos ita hare mos nia impaktu hanesan uma iha foho leten no bee matan kraik ho ida nee mak sira seidauk bele asesu bee mos,
no uma kain neébe laliu estandar governu nia mak uma kain lima nulu(50) ba leten mak foin bele halo planu ba future dada bee maibe uma kain 49 mai kraik hanesan diresaun nafatin ita kopera no esforsu servisu hamutuk ho parseiru oinsa mak ita buka dalan hodi resolve preokupasaun komunidade iha setor bee nian,
iha tinan 2023 ita ba halo rehabilitasaun no iha grupo neébe mak estabelese ba depois lao dalaruma agora ladun funsiona, no ita mos liu husi agensia undp fo nafatin suporta iha setor bee dezeñu detalhu hotu ona hein hamutuk ho kompaña karik ba futuru mobilizasaun material ruma,ita bele halo ona servisu entre husi kompaña no nafatin monitoriza fiskaliza mos husi parte diresaun nebe mak relevante.
Hanesan uma kain sira neébe ohin ita mensiona pdalaruma sira dok liu husi tanke rezevatoriu,bee matan dalaruma mos bee labele too tanba hare fali ba debit bee nian,planu nafatin ita halo servisu entermos hamutuk ho parseiru sira liu iha setor bee no saneamentu alende neé mos parseiru ho parte autridade liuliu ba sira nia fundus kontijensia husi orsamentu pnds.”
Jornalista; Eugenia Alves
