Kareta Multifunsaun Néebe hetan asidente iha area Builalae, no paradu durante fulan ida Hahu halo ona Operasaun Iha centru no Postu saúde sira iha postu administrativu Ossú munisipio Viqueque.
Tuir sefe sentru saúde ossú Azevedo da Cruz Amaral hatoo ba jornalista sira iha Ossú dehan katak kareta multifunsaun dadaun née kobre ona ba suku sanulu (10) iha postu Ossú tamba manutensaun ba kareta ne’e remata ona.
” Kareta multifunsaun dadaun née kobre ona ba suku sanulu (10) iha postu ossú,ami nafatin halo atendenmentu ba komunidade, lider komunitariu no grupo suporta inan sira, kareta multifunsaun néebe hetan asidente iha area Builale equipa Nasional mai evakua kedas ba Dili hodi halo manutensaun hotu sira kontaktu mai iha sentru saúde ossú foin mak ba foti fali iha servisu saúde Munisipio Viqueque.”
Alende née sefe sentru saúde Ossú akresenta tan katak moras nebe registu as iha sentru saúde ossú mak ispah tanba ita hare liu klima no rai rahun suar makas.
“Moras nebe registu as iha sentru saúde ossú mak ispah tanba ita hare liu klima no rai rahun suar makas no tuir mai mak dearia no seluk tan,no moras ispah nia numeru as liu rihun tolu ba leten no tee ben mak rihun ida mai kraik, equipa promosaun da saúde tama sai eskola no suku sira ho kareta multifunsaun hodi aviza nafatin ba sira oinsa atu prevene ita nia an husi moras .Stock Ai-moruk iha sentru saúde ossú iha item balun laiha la signifika katak stock ai-moruk néebe mak iha fo difikulta ba atendementu publiku née la’e no stock ai-moruk iha sentru saúde item sanulu(10) mak mamuk maibe agora dadaun ita prense ona balun maibe laos ai moruk esensial maibe ai moruk sira nebe ita nia sentru saude la dun uza no sufisiente”
Nia haktuir tan katak negosiante sira nebe faan sasan iha estrada ibun née mos impaktu ba ita nia saude
“Ita haree fila fali ba sira hirak néebe fa’an sasan no modo iha estrada ibun,hare fali ba amibiental no saúde ida née la merese faan sasan no modo iha estrada ninin tanba ita hare rai rahun fo’er satan sira tau deit iha karon leten impaktu tebes ba ita sira néebe mak kompras ba fase la mos entaun kontribui mos ba moras ispah no deiria.”
Sefe sentru saúde mos rekomenda ba negosiante sira bele fa’an produtu hirak née maibe fa’an ho responsabilidade no iha ambiente néebe diak ba saúde, ita labele fo sala mos ba negosiante sira tanba ba espasu merkadu klot husu ba nai ulun sira oinsa mak bele loke tan espasu ba merkadu atu negosiante sira mai faan mos no seguru, kria fasilidade sira hanesan be’e no sintina atu utiliza merkadu née ho diak .
Entretantu Funsionario néebe servisu iha sentru saúde ossú hamutuk nain lima nulu resin hitu (57)husi permanente,kontratu inklui cleaner,seguransa hamutuk ho servisu iha postu saúde sanulo.
Jornalista; Eugenia Alves
