Ministeriu Finansa (MF) hala’o lansamentu ba programa Sensus Fo Fila Fali iha Municipiu Viqueque no hola fatin iha salaun Ti’I Lou Parokia Imakulada Konseisaun Viqueque foin lalais ne’e. iha lansamentu ne’e Diretor Geral MF nebe reprezenta Ministra Finansas hodi le’e deskursu Ministra nian dehan,
“ Sensus ne’e importante tebes tamba liu hosi servisu ida todan tebes no mos partisipasaun nebe jenerozu nune’e Sensus ne’e importante tebes no ita tenki haksolok ba ida ne’e.Maibe hahu ohin ba oin to;o tinan ne;e remata ita halo buat ruma ho informasaun ne’e nebe absolutamente estraordinariu, no inves de husik hela informasaun Sensus sira ne’e iha eskritoriu Governu nian no tau hela de’it iha livrariu Universidade sira nian, ami activamente fo fali rezultadu Sensus nebe maka halo iha tinan 2022 ba fali autoridade local sira tuir ida idak nia Municipiu atu bele hatene populasaun sira nia moris hodi bele halo planeamentu tuir nesesidade povu nian. Iha ita nia planu estrateziku dezenvolvementu 2011 to’o 2030 orienta hosi kompromisu atu hare ba dezenvolvementu ekuatitativu iha TL. Agora ohin loron ita iha innisiativu atu halo buat nebe simples atu fo hikas ba ita nia povu konyesementu kona ba sira nia kapasidadeatu nune’e Sefe Suku no sefe aldeia sir abele halo planu tuir duni nesesidade nebe maka presija “.
Entretantu iha deskursu Ministra nian ne’e mos sublinya katak , “relatoriu sensus fo fila fali ne’e ho nia pajina hamutuk 29 no iha mos indikatoriu 12 nebe maka fo informasaun mai ita kona ba suku ida idak kompara ho suku sira seluk iha teritoriu laran tomak. No informasaun sira ne’e mos bele kompara mos ho sensus 2015 liu ba. Hodi nune’e it abele hatene lala’ok dezenvolvementu kada suku nian. No ohin mos ita halo lansamentu iha Municipiu hotu iha Timor laran tomak inklui Raioa.no objetivu importante hosi relatoriu ne’e maka atu inspira no ajuda na’I ulun sira iha komunidade atu involve no lori prosesu dezenvolvementu ba iha ita bot sira nia suku, no hanesan Ministra das Finansa enkoraja ita bot sira atu uja dadus ne’e hodi bele halo planeamentu nebe maka diak hodi nune’e it abele proteze orsamentu ba prioridade sira nebe nesesita. No iha tempu besik ita sei deskute ba orsamentu 2025 nian, tamba ne’e husu nafatin autoridade sira hodi uza dadus halo planeamentu no tau iha orsamentu “.
Iha fatin hanesan reprezentante PAM Viqueque, Acacio Soares nebe hanesan Sekretariu ba asuntu Sosial nian agradese ba MI tamba bele fo fila fali sensus ba povu hodi hatene. Sekretariu Asuntu Sosiais nian ne’e mos husu ba Directores sira hotu atu ezekuta tuir planu.
“ Ha’u reprezenta PAM louva tebes katak lansamentu sensus fo fila fali, ne’e hau agradese tamba mai iha autoridade sir abele responde emidiata liu liu ba iha suku, aldeia no postu atu bele responde ba nesesidade tuir planu Governu dasia nian. No mos husu ba Diretores sira nebe maka hetan ona konvite atu partisipa iha postu sira hodi akompanya servisu ne’e, no mos parte seguransa nian atu bele fo seguransa ba ekipa “.
Entretantu tuir konvite nebe maka RPV simu sita katak, Sensu fo fila fali ida ne’e maka projetu uniku no ambisiozu atu fahe rezultadus chave sensu 2022, ho Lider Komunitariu no kada Suku iha Nasaun tomak. No objetivu hosi projetu ida ne’e maka atu inspira no ajuda Na’in Ulun sira iha komunidade atu involeve no lori prosesu dezenvolvementu iha sira nia suku. Seminariu Sensu Fo Fila Fali ne’e fo hatene ba lider komunitariu ideia ida nebe klaru kona ba situasaun lolos iha sira nia suku, Municipiu no Nasional. Lider komunitariu sira sei hatene oinsa atu interpretaindikadores sociais no meta sira nebe aprezentaiha relatoriu Suku. No mos sira sei hatene oinsa indikadores sira iha relasaun ho planu estratejiku dezenvolvementu Nasional no mos oinsa sir abele uza atu estabelese metas no mos monitoriza progresu dezenvolvementu iha sira nia suku.
Hafoin hala’o tiha lansamentu kontinua kedas ho aprezentasaun kona ba relatoriu ne’e hosi ekipa MF nian to’o remata. No actividade ne’e sei kontinua ba iha Postus Administrativus lima nebe iha Municipal de Viqueque nia konta. Partisipa iha Actividade lansamentu ne’e, DG MF ho nia ekipa, reprezentante PAM Viqueque Sekretariu ba asuntu sosiais, Komandante PNTL Municipiu, Padre Parku IMC Viqueque, Directores Linhas Ministeriais no Directores linhas Teritorial, Madres, Diretores das escolas Sekundariu sira no estudantes balun hosi eskola Sekundariu Sta. Mada Madalena da Kanosa Viqueque.
Ekipa kobertura RPV
