AHHA Edukasaun Municipiu Viqueque hala’o enseramentu ba estudantes hamutuk ema nai’in sanulu resin hitu (17) nebe tuir ona formasaun durante tinan ida (1) iha Education Viqueque center Betisi. Iha serimonia enseramentu neé kordenador jeral AHHA education munisipio viqueque Martinho Gomes Amaral haktuir katak, “ sira nain Sanulu resin hitu (17) ne’e sei ba iha Dili atu kontinua sira nia prosesu aprendisajen tamba sei iha buat barak neébe mak sei aprende tan iha Mancenter Dili, sei kontinua too fulan neen (6) ou hitu (7). Hafoin remata iha Dili sira sei hetan oportunidade hodi kontinua fali ba Munisipio hodi fahe tutan konaba ba buat neébe sira aprende iha Mancenter,hodi nuneé sira nia edukasaun la remata deit iha Munisipio maibe iha mos nivel nasional, keta haluha mos katak ita sai husi viqueque no lori viqueque nia naran ba iha nasional hatudu ba ema seluk katak ita mos bele tanba neé mak nafatin koko lao ba oin,tenke hasoru dezafius hanesan mos lisaun nomos sai benefisu ida ba ita,karik laiha difikuldade ita sei laiha mudansa difikudade sai hanesan oportunidade ba ita atu aprende “.
Alende neé sefe suku Carau-Balo João Pinto mos husu ba estudantes sira nain sanulu resin hitu(17) neébe mak kontinua ba Mancenter atu aproveita didiak hodi hasae sira nia koñesementu durante tinan ida ou fulan neen. Cefe Suku ne’e mos husu ba joven sira neébe maka remata ona sira nia escolar atu labele tur iha estrada ibun hemu tua hodi kria problema, diak liu mai iha SOLS hodi apeende tan buat balun nebe maka sira seidauk hetan iha escolar, tamba tuir Joᾶo Batar Pinto katak, “ Edukasaun iha rua (2) edukasaun formal no naun formal. No Edukasaun noun formal neé importante tebes tanba ema hare ba ita nia koñesementu,tanba ita nia Governo dadauk neé iha fulan dezembro neéba ami sefe suku husi suku rua nulu resin rua (22 ),kompostu husi Postu Ossu, Postu Uatulari, Postu Uatu-Cabau no Posto Viqueque vila, ba asiste ona kompaña ida besik Nasaun Rusia mai halo investe mina nia iha Munisipio Viqueque entaun ema mai presiza mak ida neébe hatene lingua english laos lingua materna,tanba malae sira neé asina ona kontratu iha tempu badak sira sei mai “.
Iha fatin hanesan Administrador Postu Administrativu (APA) Viqueque Vila Leopoldo da Costa Alves dehan; “ba imi nain sanulu resin hitu(17) hanesan autoridade governo ki’ik oan ida iha munisipio nia okos ita presiza tebes foinsae sira nia koñesementu neébe tenke adequado oportunidade ba timor leste neé bot tebes liu liu ba viqueque, tanba buat barak mak sei mai,maibe presiza hadia ita nia english tanba ita servisu liga ministeriu internasional nia servisu,tanba neé mak labele husik leet oportunidade sira neé.haù nia mensajen ba ita bot sira nain sanulu resin hitu(17) mak responsabilidade,honestidade,respeitu,tanba agora dadaun ita bot sira hetan oportunidade atu hatoman an ba lian englihs se ita tun ona ba dili iha sidade nemak iha buat furak no la furak mos iha neéba,entaun ita bot sira mak uza meius kestaun diak kada individu neé nia save mak tenke hatene kontrola emosional,kontrola ita nia an atendementu ba orariu neébe formador sira fo “.
Partsipa iha serimonia neé husi Administrador Postu Viqueque, Cefe suku carau-Balo, representante diresaun Edukasaun Munisipiu, representante SEFOPE, representante komandante PNTL Munisipio, inan aman estudantes no partsipantes sira seluk tan.
Jornalista; Eugenia Alves
