Programa Nasional Desenvolvimento Suku (PNDS) sai hanesan programa perioridade ba tinan 2024 mak dada be’e mos ba komonidade iha aldeia rua hanesan aldeia Liawaioli no Kailatulale suku Loi-huno Posto Administrativo Ossu Munisipio Viqueque .
Cefe Suku Loi-huno, Filomeno Guterres afirma; “ programa desenvolvimeto suku PNDS sai hanesan programa peroridade dada be’emos ba comonidade ne’e ho orsamento hosi tinan 2023 mak hodi realiza fali ba iha tinan 2024.no iha ano fiska tinan 2024 ne’e Programa Nasional Desenvolvimentu Suku (PNDS) sei halao projeito rua mak hanesan halao rehabilitasaun ba iha Posto saude iha suku Loi-huno laran ho orsamento tinan 2024 no dada be’e mos ho orsamento tinan 2023 nian”.
Cefe suku Loi-huno Filomeno Guterres nafatin dehan; “ iha hau nia mandato ne’e hare ba mata dalan hosi Programa Nasional Desenvolvimento Suku (PNDS) nian liga ba iha Educasaun, Saude, no Agrikultura atu povo sira bele asesu, tanba orsamento PNDS hetan deit rehabilitasaun, no kostrusaun labele, kostrusaun ne’ebe bo’ot entaun ita tenki levanta fali ba iha Munisipio” .
Filomeno Guterres mos konfirma katak, “Hanesan cefe suku foun ,administra uluk suku Loi-huno atu nune’e bele hatene povo sira nebe hala’o vida iha agrikultura, sira nebe fila liman hira, funsionariu hira, no seluk tan. No ida ne’e ami hahu ona iha fulan Janeiro to fulan Marsu ne’e hamutuk ho PAS sesante Loi-huno hodi fo sai formatu hodi rekoilha dadus populasaun ho nia klasifikasaun hahu husi labarik 0 anos to’o idosos ne’e nain hira, haefoin total populasaun ne’e no total uma kain”.
Cefe suku Loi-huno nafatin hateten iha sira nia suku rasik mos sira iha karakter enkontru hanesan enkontro parmanente ho objektivo hodi bele hatene no solusiona asuntu balun mak hanesan, permeiro halo avaliasaun ba servisu iha fulan kotuk no fulan tuir mai sira tau mos planu, rona mos informasaun nebe hato’o husi komonidade no servisu seluk nebe mak iha orentasaun hosi Estado, Posto no Munispio nebe maka ho karakter urjente. Tamba ne’e maka sira tenki kria mos enkontru hodi hato informasaun ba malu.
Cefe suku Loi-huno Filomeno Gutwrres hatutan liu tan, kona ba rekrutamento ba iha Sfaf suku nian ne’e, suku iha dever atu fahe informasaun wanhira vaga ne’e loke ,tanba iha suku Loi-huno iha aldeia lima (5) hanesan aldeia Samaliu, Liawaioli, Kailatulale, Waiheda no aldeia Uala-Wau hodi fo perioridade ba joven sira atu konpete, ho rejultadu ne’ebe diak ,ho kompetisaun ne’e joventude nain hat {4} mak liu iha kompetisaun ne’e bazia ba jornal republica ne’ebe fo sai. No durante fulan rua nia laran Cefe do Suku iha kompetensia tomak atu fo avaliasaun ba sira nia servisu, tamba iha sira nia servisu ne’e mos iha provatoriu ka uji coba ne’e mos fulan rua (2). No Cefe Suku ne’e mos garante katak waihira sira liu ona iha teste ne’e hatudu katak sira bele hala’o servisu hodiak no nia rasik sei la impoen buat ruma.
Jornalista; Lourensa Soares
