Tuesday, June 18, 2024
spot_img
HomeFoto GaleriaSEATOU halo sosializasaun Dekretu Lei No. 49 ba Autoridades sira iha Municipiu...

SEATOU halo sosializasaun Dekretu Lei No. 49 ba Autoridades sira iha Municipiu Viqueque.

Sekretaria do Estadu Asuntu Toponomia Oraganijasaun Urbana nebe kompostu hosi Directora Jeral Odete Barros Florindo ho Directores Nasional nai’in tolu (3) Sesta feira semana kotuk hala’o sosialijasaun Dekretu Lei NO. 49 ba Autoridades hotu iha Municipiu Viqueque. DJ Odete Barros Florindo hateten Dekretu Lei 49 Organiku Ministeriu Administrasaun Estatal (MAE) atribui mos artigu ida maka foka liu ba iha servisu SEATOU nian ne’e maka artigu 7. Tamba ne’e maka sira mai atu esplika ba ema hotu atu hatene.

“ Prezensa ami nian iha ne’e hamutuk ho Directores Nasional nai’in tolu (3) atu bele lori it aba rona sosialijasaun kona ba dekretu lei sira nebe maka agora dadauk ne’e presija ita bot sira hatene. Dekretu Lei sira ne’e iha tiha ona, maibe nia implementasaun maka la maximu. Ami nia prejensa atu lori ita hotu ba kompriende didiak atu nune’e wainhira kuandu iha nia implementasaun ita hotu bele hatene katak ita la la’o mesak maibe ita la’o bazeia ba Lei. Dekretu Lei 49 Organiki MAE iha ninia organiku ne rasik atribui mos artigu ida maka foka liu ba iha servisu SEATOU nian maka artigu 7, atu fo apoiu ba Diresaun  Jeral no mos Diresaun tolu maka hanesan Diresaun Nasional Ijiene Orden Publiku, Diresaun Nasional Organizasaun Urbana no Diresaun Nasional Toponomia no Diresaun 3 ne tenki fo apoiu ba Diresaun Nasional”.

Entretantu DJ Odete Barros mos hatutan dehan, SEATOU nia knar mai iha Municipiu ne’e atu fo apoiu deit, no servisu tomak nebe iha Area Municipal Viqueque nian iha kompetensia PAM ho nia ho nia Directores sira nia liman.

“ Ami nia nia knar mai iha Municipiu ne’e atu fo apoiu deit, ita bot sira maka iha kompetensia tomak liu-liu Prezidente Autoridade maka iha kompetensia tomak iha Viqueque nia laran. Sasan hotu nebe maka liga ho Lei liga ho Wilayah Municipiu Viqueque ne’e iha kompetensia tomak Prezidente Autoridade nian”.

DJ ne’e mos husu ba PAM atu iha planu annual nian tenki hatama mos orsamentu no halo mos rekrutamentu ba pesoal sira hodi bele apoiu servisu refere.

“ Hau so husu ba iha Sr. Prezidente Autoridade atu liu liu liga ho servisu sira ne’e hotu presija iha planu asaun annual ne’e presija hatama ona orsamentu, para depois iha konsiderasaun ba prosesu sira ne’e hotu liu liu liga ho Toponomia, Hijiene Orden Publiku, nune’e mos Estasionamentu sira nune’e mos planu ba rekrutamentu ba pesoal sira atu nune’e bele iha pesoal sira nebe maka adekuadu para depois bele ajuda iha servisu sira ne’e, liu liu iha Gestaun Merkadu”.  

Nune’e mos PAM Viqueque Francisco Crus Simồes Gonzaga nebe marka mos prejemsa hodi loke ofisialmente sosialijasaun Lei refere agradese ba ekipa hosi SEATOU tamba bele esplika ona kona ba publiku Lei 49 no mos Lei 33 nebe mak kabe ba Toponomia nia servisu. PAM mos husu ba Cefe Sucos sira APA sira atu akompanya ho diak atu nune’e atu nune’e iha implementasaun tenki tuir lei sira ne’e.

“ Viqueque ita tama mai ita hasoru kedas situasaun ida nakonu ho lixu, animal nebe maka halai arbiru, ema tur arbiru la tuir nia fatin, lolos be dalan it aba okupa tiha, tasi ibun it aba okupa hotu, buat barak los. Nebe ami agradese ba ekipa hosi Toponomia nebe maka mai ho intensaun hakarak atu desimina Lei 49 no mos Lei 33 nebe maka it abele dehan katak ligadu ho Toponomia nia servisu, Ne ita agradese tebes. Ne’e para ita nia komunidade bele kompriende saida los knar Toponomia nian no tamba sa maka akontese eviksaun iha fatin fatin, se lae ita hatudu liman ba malu deit, ita dun malu deit ita politija sasan sira tuir ita nia hakarak deit. Nai Cefe Suco sira iha ne’e bele akompanya, APA nai’in lima iha ne bele akompanya oportunidade diak, atu nune’e bele ba hatutan hela ba ita nia komunidade sira atu kompriende. Nebe buat sira ne’e husik hele hanesan ne’e atu komunidade sira hatene atu it abele hala’o ita nia servisu. Se lae ita atu halo mos sei hanoin katak keta halo bah au halo sala karik? No ita mos bele foti desizaun balun nebe kabe ba kompetensia Autoridade Municipiu nian. Nebe hau mos loke ofisialmente actividade ne’e.

Atu informa mos katak, actividade sosialijasaun Lei 49 hosi SEATOU ne’e hala’o durante loron ida iha Salaun Administrasaun Municipal de Viqueque no partisipa hosi PAM ho nia Sekretarius nai’in tolu, Directores Linhas Munisteriais sira hotu, Administradores Postos Administrativos (APA) lima Cefe do Sucos 36 no mos konvidadus sira seluk tan.

Jornalista : Adriano A. Mesquita.

 

RELATED ARTICLES
Continue to the category
0 0 votes
Article Rating
Subscribe
Notify of
guest
0 Comments
Inline Feedbacks
View all comments
Fans na'in: mak rona hela.
Loading ...

Trending Semanal.

0
Would love your thoughts, please comment.x
()
x