Sekretariu Estadu Arte no Kultura(SEAK) lansa kampaña nasional Ho tema “ Kultura sei hametin unidade no Fraternidade. serimonia neé realiza iha salaun Ti’i Lou, Paroquia Imaculada Conceiḉᾶo Viqueque Mmunisipio Viqueque tersa feira loron 28-05-2024 neé.
Iha serimonia neé Presidente Autoridade Munisipio (PAM) Viqueque, Francisco Cruz Gonzaga dehan atividade neé esensial tebes, tanba kultura forte nasaun metin, no liu husi meius ida neé ami Autoridade Munisipio agradese bot ba SEAK nia prejensa no mos fahe informasaun konaba ami nia kultura iha Munisipio Viqueque ho diak,
“Atividade neé esensial tebes, tanba kultura forte nasaun metin liu husi meius ida neé ami autoridade Munisipio agradese bot ba SEAK nia prejensa no mos fahe informasaun konaba ami nia kultura iha Munisipio Viqueque ho diak, fahe karik informasaun tuir kultura iha Munisipio Viqueque tanba iha Munisipio ne’e ho nia kultura neébe mak diferente iha Postu lima hanesan Postu Lacluta, Uatu-Lari, Uatu-Carbau,Ossú no postu Viqueque vila diferente entre lia mate no lia moris nomos tradisaun uma lisan sira. Ami autoridade sira nafatin agradese ba SEAK nia atividade neébe mai habelar iha ami nia Munisipio Viqueque ida ne’e. Maibe ami mos hakarak hato’o mensajen karik tempu tuir mai bele ba iha postu sira no suku sira hodi bele esplika diak liu tan b alia nai’in no komunidade sira kona ba vantajen no desvantajen hosi Kultura ne’e rasik.”
Alende neé representante Sekretariu Estadu Arte no Kultura(SEAK) Gil Paulino Dos Santos Oliveira hatutan tan katak programa neé estabelese ona iha Munisipio tolu mak hanesan Lautém, Raeoa, Likisá no tinan ida neé realiza iha Munisipio Viqueque
Ho Nia objetivu oinsa ita atu hametin ita nia kultura,ita fortifika ita nia kultura hodi hametin unidade nasional tanba ita timor metin ho kultura
“Tanba neé politika ida neé Arte no Kultura hahu kedas iha uluk oinsa atu hametin ita nia salva guarda ba eransa kultura sira neé liu husi programa kampaña kultura forte Nasaun metin ,kuando kultura forte ona konserteja ita kria ona fraternidade,amizade,kria ona relasaun familiar neébe metin hodi dezenvolve ita nia rai doben ida neé. Iha governo da sia Konstituisional Arte Kultura hamutuk ho Ministeriu Joventude Desportu Arte e Kultura, ho objetivu ka alvu neé ba iha joven oinsa kreatividade joven nian ba iha kualker eventu hodi desenvolve rai ida neé, eransa sira liu liu liga ba kultura. ita nia inan aman sira mak la transmite ba jerasaun foun automaticamente tradisaun neébe rai hela iha ida idak nia lisan sei lakon hanesan dansa kultura,vestuariu tradisional,tebedai,dahur aik-nanoik maibe sira preokupa liu buat sira neèbe mosu dadauk mai( dansa,vestuario,moderno )ita preve hela katak kultura sei iha fronteira tanba atravez husi media sosial influisia joven sira ikus mai adopta tuir kultura rai seluk nia”.
Tanba nemak obrigasaun ita nian tenke iha ida idak nia lisan, ita transforma ona ita nia eransa kultural hanesan aik-nanoik,historia neé ba iha jerasaun foun atu nuneé historia, hodi lembra nomos mitos prinsipal sira neébe liga ho eransa sira neé labele lakon.
Partisipa iha serimonia neé, ekipa hosi SEAK, Pam Viqueque, APA Postu lima, Cefe Sukus 36, Veteranus, Professores, estudantes sekundarius sira iha Viqueque, PNTL, Liñas Ministerias Munisipio Viqueque nian no mos konvidadus sira seluk tan.
Jornalista; Eugenia Alves
