Admintrasaun Postu Administrativu Viqueque Vila simu professores destakadu hamutuk nain hitu (7)neébe desloka husi Miniteriu da Edukasaun . aktividade née haláo iha salau Postu Administrativo Viqueque segunda feira née.
Tuir diretor EBC 04 kaiju Bibileo Anjelo Fereira Amaral hato’o ba jornalista Radio Povo Viqueque ( RPV ) katak antes neé sira hetan ona informasaun husi diresaun Edukasaun Munisipio Viqueque katak ami nia eskola filial sei hetan tan professores
“Antes neé ami hetan ona informasaun husi diresaun edukasaun munisipio viqueque katak ami nia eskola filial sei hetan tan professors, haú nudar diretor da eskola ba kedas EBF bibileo haú konsulta ho kordenador konaba fatin tanba iha professores nain tolu mak sei destaka ba iha eskola refere,maibe fatin iha,husu ba professores destakadu sira sai hanesan manorin nain tenke kumpri matadalan neébe iha,nudar professor ita iha dever no direitu ita kumpri uluk ita nia dever nudar professor depois mak direitu,hanorin labele ses husi matadalan neébe iha”
Iha fatin hanesan Juvinal Mascarinhas sefe seksaun planeamentu Postu Adminitrativo Viqueque hatoo katak konaba enkontru ida ohin neé hanesan simu professores sira neébe destaka mai iha Munisipio Viqueque.
“Konaba enkontru ida ohin neé hanesan simu professores sira neébe destaka mai iha Munisipio Viqueque liu liu ba iha suku sanulu (10),sira hala’o sira nia knar hanesan preofessores neébe foin hetan rekrutamentu husi Ministeriu da Edukasaun tanba neé mak mai hetan orientasaun husi ami inklui mos kordenador eskola no kontinua sei apresenta ba lider komunitariu sira,professores sira neébe sei destaka ba iha suku inklui mos fo orientasaun ba sira atu servisu iha futuru oin mai ho diak,iha professores nain hitu(7)destaka mai iha Postu Viqueque vila ba suku tolu deit hanesan suku Uma Uai’in Leten iha professores nain rua(2),suku Bibileo hetan professores nain tolu(3) no Suku Luca hetan professores nain rua (2), sira iha duni preokupasaun tanba sira oin foun seidauk hatene situasaun eskola neé sira hanorin ba tanba sira kona iha aréa rural, i sira seidauk hatene situasaun estrada no area eskola tanba neé mak ohin ami orienta ona ba kordenador iha suku tolu neé no simu orientasaun husi sira suku refere.”
Cefe seksaun Planeamentu Postu neé mos apela ba professores nain hitu katak servisu hanesan profisonal,fahe matenek ba ita nia estudantes sira tenke neutru.
“Ba professores nain hitu (7) katak servisu hanesan profisonal,fahe matenek ba ita nia estudantes sira tenke neutru hanesan professores independente akumula ita nia emar sira iha suku refere,fo hanoin deit ba sira tanba iha suku idaidak ho nia karater lahanesan neé mak presiza adaptasi sira nia an iha suku refere,tanba suku hotu hotu iha viqueque ho nia linguajen lahenesan, nomos sira servisu hamutuk ho lider komunitarius,veteranus,igreja no sociedade sira iha suku laran no kopera hamutuk atu nuneé lori edukasaun sai diak liu tan iha futuru oin mai.”
Professores destakadus sira neé sei apresenta tiha ba autoridade lokal sira mak foin fahe divizaun tarefa.
Partisipa iha serimonia neé husi sefe seksaun Planeamentu Postu Adminitrativo Viqueque, professores destakadu nain hitu (7), kordenador no Diretores eskola iha suku Uma Uai’in Leten, Bibileo no Luca.
Jornalista; Eugenia Alves
