Wednesday, April 17, 2024
spot_img
HomeFoto GaleriaNoticia RPV; Profesores iha EBC Beaḉo hari rasik sira nia edifisiu/kantor

Noticia RPV; Profesores iha EBC Beaḉo hari rasik sira nia edifisiu/kantor

Director Escola, Adjunto Director, GAP hamutuk ho profesores sira iha Escola Ensinu Baziku Central Beaḉo tau hamutuk osan hodi hari rasik fatin ka uma ba profesires sira. Adjuntu Director EBC Beaḉo Mateus Soares Pinto ba Jornalista RPV iha EBC Beaḉo Sesta feira ne’e deklara katak, sira ho inisiativa rasik tau hamutuk osan hodi hari kantor ka fatin ba profesores sira tamba durante ne’e laiha fatin atu profesores/as sira hodi deskansa wainhira tempu livre.

“ Uma ida ne’e la’os escolar mak halo la’e. Ne’e ami profesores rasik mak halo, ami foti inisiativa hodi halo sala ida ne’e para ami profesores sira bele hela ba. Ami halo kontribuisaun kada professor ida soe osan uituan uituan maka hodi halo, Ne’e la’os Estadu mak halo la’e. Tamba sala ida uluk ba professor sira ne’e ki’ik oan hela ami labele tama ba laran. Kuandu ami mai escolar fatin laiha tenki tur deit iha ai mahon sira ne’e. Tamba ne’e maka kuandu ami Nai’in tolu mai fali assume knar iha ne’e, hau hanesan Adjuntu, kolega Orlando mak hanesan Director no mos kolega Joanico mak hanesan GAP entaun ami foti dalan ida hodi halo uma ne’e para profesores/as sira bele hela ba no tau sasan sira kantor nian no mos sasan sira merenda escolar ba tau iha sala ida iha kotuk ne’e. Tamba ami profesores/as iha ne’e hamutuk sanulu resin hitu (17), No mos escolar ne’e hanesan sentru, kuandu profesores sira hosi escolar Filial sira mai karik halo konsultasaun ruma fatin laiha. Entaun ami foti inisiativu ne’e koalia hamutuk ho profesores sira hotu kontribui osan uituan uituan hodi halo uma ida ne’e. Kantor uluk mak neba ki’ik los ami profesore/as sira labele tama ba, entaun ami mai mak naran ba buka ai okos sira ne’e para hodi hamahon an ba”. 

Nune’e mos Adjuntu Director ne’e konfirma katak iha escolar EBC Beaḉo rasik mos falta salas de aula tamba ne’e fo impaktu ba profesores/as sira no alunus iha prosesu aprendijajen tamba sira tenki hanorin dader no loraik hotu. Nia mos kontinua dehan escolar EBC Beaḉo mos laiha lutu tamba ne’e animal sira hanesan Karau, bibi no fahi sempre tama ba resintu escolar hodi estraga no hafoer escolar oin.

 

Jornalista; Adriano A. Mesquita.

RELATED ARTICLES
Continue to the category
0 0 votes
Article Rating
Subscribe
Notify of
guest
0 Comments
Inline Feedbacks
View all comments
Fans na'in: mak rona hela.
Loading ...

Trending Semanal.

0
Would love your thoughts, please comment.x
()
x