Wednesday, April 17, 2024
spot_img
HomeFoto GaleriaNoticia RPV; EBC Beaḉo laiha livrus Portuges

Noticia RPV; EBC Beaḉo laiha livrus Portuges

Escola Bazika Central ( EBC ) Komandante Rozitu Beaḉo laiha livrus lian Portuges ba profesores sira atu hodi hanorin nune’e mos atu foba alunus sira hodi estuda ka aprende. Lia ne’e hato’o hosi Adjunto Director EBC Komandante Rozito Beaḉo Mateus Soares Pinto ba Jornalista RPV iha EBC Beaḉo foin lalais ne’e.

“ Iha ne’e Liu liu ba livru, livru ho lian POrtuges iha ne’e laiha, Presija livru atu fob a labarik sira atu bele aprende maibe livru laiha, hosi kuartu ano ba to’o iha oitavu ho nonu anu livru portuges laiha. Antes ne’e ami hasoru ona dirigentes sira hodi koalia kona ba livrus ne’e maibe to’o agora laiha rezultadu ida. Ami be hanorin ne’e mos difikuldade baa mi maka livru lian Portuges ne’e. Liru seluk ne’e naton hele. Ba terseru siklu maka falta livru lubuk ida”. 

Relasiona ho profesores kontratadu sira nebe sira nia kontratu remata iha loron 31 fulan Desembro 2023 liu ba, Mateus Soares Pinto mos konfirma katak, maske tinan kotuk ( 2023 ) Governo liu hosi Ministerio Edukasaun hapara tiha ona kontratu ba profesores kontratadu sira maibe iha EBC Komandante Rozito Beaḉo ho nia Filial sira laiha impaktu no prosesu apredijajen la’o normal hela.

“ Kona ba iha hapara kontratu ba profesores sira ne’e ba ami nia escolar laiha defikuldade no prosesu ensinu la’o normal hela. Ne’e inklui mos Filial hat (4) nebe iha EBC ne’e nian mahon, maka hanesan EBF Raitahu, EBF Aderai, Lugasa no iha ne’e rasik hotu hotu normal”.

Adjuntu Director ne’e mos husu ba Ministeriu Edukasaun atu halo tan escolar ida ho sala tolu hodi akomula estudantes sira hotu tamba sala nebe iha ona la sufisiente. Emtretantu EBC Beaḉo iha sala de aprendijajen nen (6) no alunus hamutuk atus tolu tolunulu resin hat ( 334) no profesores hamutuk sanulu resin hitu (17). Enkuantu EBC Beaḉo ho nia Filian hat (4) hotu iha estudantes ka alunus hamutuk rihun ida atus hat nen (1406) alunus no profesores hamutuk nen nulu resin nen, feto ruanulu resin hitu (27) no mane tolunulu resin sia (39).

“ Husu ba Parte kompetente liu liu ba Ministeriu Edukasaun atu halo tan uma ida ho sala tolu atu nune’e bele akomula hotu estudantes sira, tamba agora dadauk ami iha deit sala de aulas nen (6) hodi akomula alunus hamutuk 334 ( atus tolu tolu nulu resin hat) no ami tenki fahe ba parte rua dader no loraik. Ami profesores iha EBC Beaḉo ne’e hamutuk 17 (sanulu resin hitu). Ami mos husu ba Estadu liu PNDS Beaḉo karik bele hari tan sala tlu (3) baa mi atu bele ita nia prosesu aprendijajen la’o ho diak liu tan,nune’e mos bele halo tiha lutu hadulas escolar ne’e tamba agora dadauk ne’e ami halo lutu ho ai deit, la dura ba tempu naruk no animal sira sempre tama mai estraga resintu escolar nian no mos escola. No mos alunus sira agora ne’e mesak ki’ik oan deit ami labele obriga sira atu ba tesi ai hodi hadiak bebeik lutu escolar nian. Tamba ne’e hau husu ba parte PNDS liu liu PNDS Suco Beaḉo karik osan iha no se bele halo tan escolar ida ho sala tolu (3) no halo tiha lutu hadulas escolar ne’e”.

Entretantu Adjuntu Director EBC Komandante Rozito Beaḉo Mateus Soares Pinto konfir tan katak kona ba saneamentu liu liu ba be, laiha difikuldade tamba antes ne’e hosi parte ONG sira mai ke’e hela be’e posu iha ne’e no ami utilija hela no be’e ne’e sai diak hela, tamba ne’e laiha problema ho saneamentu. Nia mos reforsa nafatin katak to’o oras ne’e prosesu aprendijajen iha escolar refere inklui Filial sira la’o normal maske profesores kontratadu sira balun remata ona sira nia kontratu iha tinan kotuk. Tamba iha koperasaun diak entre profesores, alunus no inan aman sira mos fo apoiu maximu ba iha prosesu tomak escola nian.

 

Jornalista; Adriano A. Mesquita

 

 

 

 

 

 

 

 

 

 

 

 

 

 

 

 

 

 

 

 

 

RELATED ARTICLES
Continue to the category
0 0 votes
Article Rating
Subscribe
Notify of
guest
0 Comments
Inline Feedbacks
View all comments
Fans na'in: mak rona hela.
Loading ...

Trending Semanal.

0
Would love your thoughts, please comment.x
()
x