Monday, April 15, 2024
spot_img
HomeFoto GaleriaNoticia RPV; Lentil husu Veteranus sira atu hotu atu partisipa iha loron...

Noticia RPV; Lentil husu Veteranus sira atu hotu atu partisipa iha loron Nasional Veteranus nian.

Presidente konselho Municipal dos Kombatentes da Libertasaun Nasional ( CMCLM ) Viqueque Adriano-LENTIL husu ba Veranus sira hotu iha Municipiu Viqueque atu iha Loron bo’ot sira ( Loron Nasional ) tenki partisipa iha Seremonia nebe maka Estadu no Governo halo, liu-liu iha loron Nasional dos Veteranos,  la’os hein deit loron to’o maka ba forma iha Banku, ne’e la’os Veteranu.

“ Ita enkoraja ita nia maluk Veteranus sira maka ne’e, primeiru Loron nebe hanesan loron Nasional ita hotu hotu tenki marka prejensa, liu liu LOron Nasional Veteranu sira nian. Sira nebe katuas liu tiha ona ita la ejiji, maibe sira nebe sei forte ne’e kuandu loron nebe espesial ba Veteranu no loron bot Nasaun nian tenki mai partisipa. Labele dehan katak ba forma iha Banku maka ema barak barak maibe nia loron bot rasik nia haluha tiha. Ne’e laos Veteranu”.

Prezidente CMCLM Municipiu Viqueque hato’o lia ne’e wainhira partisipa iha Seremonia komemorasaun loron Nasional dos Veteranos ba dala hitu ( 7 ) loron 3 – 03 – 2024 iha kampu Demokrasia Viqueque. Lentil mos hatutan dehan loron 3 fulan Marsu sai hanesan loron Veteranus nian tamba Uluk Rezistensia Armada sira reorganija fila fali funu ida ne’eliu hosi konferensia ida, hahu hosi loron ida (1) to’o loron walu (8) fulan Marsu, maibe sira hili loron 3 fulan Marsu maka sai hanesan loron Nasional ba Veteranus sira. Entretantu Lentil mos afirma katak, Vetranu barak maka Estadu rekonyese tiha ona sira nia luta maibe balun sei hela iha prosesu nia laran.

“ Veteranu barak maka Estadu no Governu rekonyese tiha ona, maibe iha mos sira barak maka sei iha prosesu nia laran no sira nia naran iha tiha ona no sira nebe halo tiha ona verifikasaun ne’e sei iha tan prosesu balun maka tenki halo tan maka hanesan, sei halo avaliasaun, sei halo aprovasaun no terseiru maka sei taka sai naran ka Edital iha Municipiu hotu. Kuandu taka sai ona ema hotu bele ba hare populasaun tomak sei hare, nia Veteranu duni ka la’e? Se la’os Veteranu bele hasai fila fali”

Prezidente Municipal Konselho Libertasaun Nasional  ne’e mos klarifika katak Konselho dos Combatentes da Libertasaun  Nasional ne’e Orgaun ida Independente no orgaun ida nebe akomula ema hotu atu ajuda Estadu hodi hala’o desenvolvementu.

“ Liga ba ida ne’e primeiru Veteranu hanesan orgaun ida Independente  nebe kuandu tama ona iha Concelho Combatentes da Libertasaun Nasional ne’e hanesan orgaun Independente, Orgaun nebe atu akomula ema hotu atu hodi par abele partisipa iha dejenvolvementu, hodi ajuda Estadu, ajuda Governu atu halo Dejenvolvementu iha ita nia rain”.

 

 

Jornalista ; Adriano A. Mesquita.

 

RELATED ARTICLES
Continue to the category
0 0 votes
Article Rating
Subscribe
Notify of
guest
0 Comments
Inline Feedbacks
View all comments
Fans na'in: mak rona hela.
Loading ...

Trending Semanal.

0
Would love your thoughts, please comment.x
()
x