Wednesday, April 17, 2024
spot_img
HomeFoto GaleriaNoticia RPV ; Vise Ministru Administrasaun Estata halo Vizita dahuluk mai Municipiu...

Noticia RPV ; Vise Ministru Administrasaun Estata halo Vizita dahuluk mai Municipiu Viqueque.

Tersa feira loron 10 fulan Outubro 2023 semana ne’e Vise Ministru Administrasaun Estatal ( MAE ) Jacinto Rigoberto halo vijita ofisial mai iha Municipiu Viqueque. Vise Ministru MAE ne’e esplika dehan objetivu hosi vijita ne’e atu hato’o Programas prioridade Ministeriu Administrasaun Estatal ( MAE ) nian maka hanesan Programa Desentralizasaun Poder Lokal, Programa Administrasaun Eleitoral, Programa PNDS  no Jestaun Bee mos nian.  Jacinto Rigoberto mos hatutan dehan la’os mai atu esklarese deit programa sira ne’e maibe nia mos mai atu hodi rona no hare rasik implementasaun sira iha terenu durante ne’e.

“ Hau ohin iha ne’e hau hakarak atu focus liu ba iha Boa Governasaun  tamba Administrasaun Estatal tama iha Boa Governasaun, Administrasaun estatal nia prioridade iha Nonu Governu ida ne’e maka Inplementasaun Poder Lokal, ne’e nudar kompromisu Nonu Governu nian no mos kompromisu Primeiru Ministru nian. Tamba ne’e maka liga ho programa ida ne’e maka ami prepara hela esbosu Dekretu Lei hodi aprezenta ba Konselhu Munistru atu iha tinan oin mai ( 2024 ) Estatutu Municipius hotu hotu sai nudar Autoridade hotu ona. Nebe agora dadauk Sua Exelensia Ministru konsentra iha Nasional hodi prepra no aprejenta Lei no Dekretus Lei sira hodi aprejenta, no hau ata nudar Vice tun mai iha kraik para atu bele haklaken programa Governu nian sira no mos atu rona difikuldades nebe maka ita bo’ot sira hasoru”.

Nune’e mos Vise Ministru ne’e esplika liu tan kona ba Programa Prioridade ida seluk maka Programa Administrasaun Eleitoral nian.

“ Programa ida seluk fali maka Programa Administrasaun Eleitoral nian. Kada eleisaun hotu hotu atu iha nivel Nasional, atu iha nivel Suco ne’e Ministeriu Administrasaun Estatal nia responsabilidade atu organiza, atu Administra. Ohin loron Mundu apresia Mundu foti Timor sai nudar referensia nebe maka foin ukun an maibe bele konduz no hala’o nia Eleisaun rasik la’o pasifikamente. Agora la kleur tan  hela deit semana rua ona ita atu tama fali tan ba eleisaun ida importante Nasaun nian maka Eleisaun Suco nian. Tamba Estadu ida atu metin tenki hahu hosi kraik maka Aldeias no Sucos sira. No Eleisaun Suco ne’e laos ona CNE ho STAE maka organija maibe MAE maka  ka administra direita maibe sira apenas atu fasilita deit, responsabilidade ne’e iha nai’I Administrador Municipiu sira Administrador Posto sira no Cefe Sucus atual sira maka responsabiliza no administra”. 

Entretantu Vise Ministru MAE ne’e mos kontinua esplika kona ba knar no responsabilidade seluk ba Programa Planu Nasional Desenvolvementu Suco ( PNDS ) no Gestaun BTL nian ba partisipantes sira. Vise Minstru Jacinto Rigoberto mos dehan kona ba programa PNDS nian hahu hosi tinan 2014 to’o tinan 2023 ne’e Governo aloka ona orsamentu ho total Milaun atus rua resin, no kona ba Gestaun Be’e mos nian Vise Ministru ne’e dehan sei hahu implementa uluk hosi Municipiu Dili hafoin maka sei abranje mos ba Municipiu seluk ihta TL. Hafoin remata tiha nia intervensaun Jacinto Rigoberto mos rona ho seriu esplikasaun hosi Diretor Municipal servisu PNDS Municipiu Viqueque nian kona ba Actividades PNDS nian iha Viqueque. Hafoin rona tiha esplikasaun hosi Dir. PNDS Municipiu nian Vise Ministru ho nia komitiva kontinua halo vizita ba Uma Naroman ba Povo ( UNP ) iha aldeia Caikobilari Suco Carau Balo molok fila hikas ba Dili. Entretantu vizita Vise MAE ne’e hetan partisipasaun masimu hosi Autoridades Civil no Militar Municipio Viqueque nian hahu hosi nivel Municipal to;o iha Nivel Cefe Sucos sira, no hola fatin iha Salaun Administrasaun Municipiu Viqueque nian. Hau hosi dadre oras tuku 8 no remata iha loraik tuku 2.

 

Jornalista    ; Adriano A. Mesquita

Editor         ;  Florindo de Jesus

 

RELATED ARTICLES
Continue to the category
0 0 votes
Article Rating
Subscribe
Notify of
guest
0 Comments
Inline Feedbacks
View all comments
Fans na'in: mak rona hela.
Loading ...

Trending Semanal.

0
Would love your thoughts, please comment.x
()
x