Monday, May 20, 2024
spot_img
HomeFoto GaleriaMHVF halao programa Hasa’e Konsiensia Komunidade Konaba Prevensaun Violensia Kontra Feto no...

MHVF halao programa Hasa’e Konsiensia Komunidade Konaba Prevensaun Violensia Kontra Feto no Labarik no Reforsa Ekonomia Feto Vulneravel iha Area Remota.

ONG Nasional Mane ho Vizaun Foun  ( MHVF ) halao programa hasa’e Konsiensia Komunidade kona ba Prevensaun Violensia hasoru Feto no labarik no reforsa ekonomia feto vulneravel iha area rural iha Suco Baha larauain Posto Viqueque Vila. Tuir Staf ONG MHVF Francisco Tilman Pinto katak durante ne’e MHVF hala’o hela actividade iha Suco Bahalarauain ba aldeia 4 mak hanesan; aldeia Aidak, kamelin Tur, Aisahe  no aldeia Kanenuk hodi fo trenamentu kona ba Violensia hasoru hasoru feto no labarik sira.

“ Programa nebe maka implementa hosi ONG MHVF iha suco Bahalarauain maka hanesan ohin temin tiha ona iha leten, no ami mos gora dadauk ne’e fo hela treinamentu ba komunidade sira hosi aldeia hat mak hanesan aldeia Aidak, Kanenuk, Aisahe no Kamelin Tur. Treinamentu nebe maka implementa iha Suco Bahalarauain maka hanesan Clase diskusaun ba inan aman, Mane hamenus violensia kontra feto, Negosiu Kiik no Violensia bazeia ba generu “. 

Francisco Tilman Pinto haktuir lia hirak ne’e wainhira partisipa iha Toolkshow radio nebe halao iha esttudiu Radio povo Viqueque nian hodi koalia kona ba Violensia hasoru feto no labarik sira. Staf ONG MHVF ne’e mos haktuir liu tan dehan, agora dadauk sira mos oferese hela fundus kiik ba familia sira hodi bele hadia ekonomia familia nian.

“ Agora dadauk ne’e ami mos oferese hela fundus kiik ba familia balun liu liu feto sira nebe ami hanaran grupu targetu atu sira bele maneja hodi hadiak sira nia ekonomia uma laran nian, tamba ita hatene katak vilolensia nebe sempre akontese ka mosu iha familia nia laran tamba mos factor ekonomia uma laran nian. Tamba nee ami hamosu programa ida ne’e atu bele ajuda sira hodi haforsa ekonomia Uma laran nian no ami hosi MHVF nia esperansa maka o actividades no apoiu fundus kiik nebe maka ami apoiu bele kontribui hodi hamenus violensia iha familia nia laran tamba violensia domestika nee krime publiku”.

Ikus liu Francisco Pinto  husu ba ema hotu lliu liu ba munidade Suco Bahalarauain espesial ba grupu benifisiariu sira atu ho programa sira nebe maka implementa on abele ajuda sira atu labele hamosu nafatin ka hamenus Violensia hasoru feto no labarik sira.

RELATED ARTICLES
Continue to the category
0 0 votes
Article Rating
Subscribe
Notify of
guest
0 Comments
Inline Feedbacks
View all comments
Fans na'in: mak rona hela.
Loading ...

Trending Semanal.

0
Would love your thoughts, please comment.x
()
x