Wednesday, April 17, 2024
spot_img
HomeNotisiaKomunidade afetado desastre Naturais Uma kain 4 la hetan apoiu material Konstrusaun.

Komunidade afetado desastre Naturais Uma kain 4 la hetan apoiu material Konstrusaun.

Cefe Suco Maluro Francisco Amaral preokupa ho komunidade uma kain 4 nebe sira nia uma hetan estragos total iha akontesementu Desastre Naturais foin lalais nee maibe sira labele hetan ajuda material konstrusaun hosi Governo ka estado. Francisco Amaral hatutan dehan Populasaun sira hetan duni ajuda emergensia hosi Parte Protesaun Civil nian maibe sira labele hetan ajuda material konstrusaun atu hodi halo fali sira nia uma. Cefe Suco nee afirma katak tuir informasaun hosi Parte Protesaun Civil fo hatene ona ba sira katak komunidade nebe sai vitima ba desastre nee labele hetan ona material konstrusaun tamba sira nia uma nee tama iha area afetado ba projetu LNG, Maibe Cefe do suco nee preokupa tamba too agora seidauk iha serteza ida katak wainhira los maka projetu LNG nee atu hahu, no nia emar sira atu tenki  hela nafatin iha lona okos durante tempu naruk. tamba nee nia husu ba Governo atu tau atensaun no buka oinsa bele resolve tiha tamba komunidade uma kain hat nebe afetadu nee seidauk iha fatin kak uma. No Cefe suco haktuir dehan komunidade uma kain 4 nee hamutuk iha aldeia ida deit.

Autoridade Suco Maluro pronto atu kopera ho Governo no Timor Gap ba Implementasaun Projetu LNG iha Beaco. Lia nee hatoo hosi Cefe do Suco Maluro Francisco Amaral ba jornalista sira wainhira halo lansamentu ba publikasaun daduus no propriadade Area designado ba projetu Tasi Mane iha Beaco foin lalais nee. Cefe do suco nee hatutan dehan desde inicio too agora bele realiza no  buat hotu lao ho diak. No nudar autoridade local iha Suco Maluro hamutuk ho komunidade sira pronto nafatin atu kopera ho Linhas Ministeriais sira hotu hodi bele fo susesu ba projetu refere.

Hatan kona ba perguntas jornalista niankarik Uma kain hira maka afetado Francisco Amaral dehan Uma kain liu atus walu maka afetado no lista iha hotu ona sira ida idak bele hare depois de publikasaun. No Uma ba Kbit laek sira mos agora dadauk implementa hela iha Suco Maluro maibe laos iha area afetado ba projetu nee ses hosi neba. Cefe Suco mos afirma katak laos iha area Nova maibe besik duni iha neba no benifisiario sira mos pronto ka hakarak duni atu hela iha fatin nee tamba sira duni maka hakarak atu konstrui iha neba.

Nunee mos Cefe do Suco Maluru Francisco Amaral mos inform aba jornalista kata iha nia suco Uma kain 37 maka simu ona kaleng h0si programa UKL + B no sira troka hotu ona kalen nebe identifika at. Cefe suco Maluru Francisco Amaral dehan, uma kain 37 nebe simu kalen nee mai hosi aldeia 3 maka hanesan, aldeia Maluru familia 12, aldeia Makaleku familia 12 no aldeia Loho wa familia 13, no molok atu implementa programa nee parte autoridade Suco nian halo uluk ona konsultasaun ho Ministerio Estatal no  hatan katak bele implementa too wainhira projetu LNG tama benifisiariu sira bele sobu sai fali kalen hirak nee hodi ba halo iha fatin seluk nebe destinnado tamba kalen nebe komunidade sira simu nee bele dura ba tinan naruk nia laran.

RELATED ARTICLES
Continue to the category
0 0 votes
Article Rating
Subscribe
Notify of
guest
0 Comments
Inline Feedbacks
View all comments
Fans na'in: mak rona hela.
Loading ...

Trending Semanal.

0
Would love your thoughts, please comment.x
()
x