Ohin loron 21 fulan Outubro 2022 iha salaun Administrasaun Municipiu e Viqueque halao tomada de pose ba membrus Konselhu Konsultivu Municipal Viqueque nian. Administrador Municipiu Viqueque nebe sai hanesan Presidente Konselhu Konsultivu Municipal nian nee hateten Konselhu nee hari atu hodi tau matan no halo avaliasaun ba servisu tomak nebe halao iha Municipiu Viqueque nia laran no nia mandate sei lao durante tinan 2. Nunee mos administrador Municipiu Januario Soares Boli hatutan dehan durante mandate kada tinan sei halao encontru dala rua iha fulan Junho no Desembro, no iha encontru labele iha delegasaun hosi ema seluk tamba ema seluk nee laiha poder atu foti desizaun ruma.
῎ Ohin ita mai hamutuk iha nee atu legaliza ita nia konselhu Konsultivu atu nunee foti desizaun ruma mos legale, lae kuandu ita halo enkontru hodi foti desizaun ruma ema dehan la legal tamba estrutura ho nia membrus sira mos la legal. No konselhu nee hari atu hodi hare ba servisu tomak nebe halao iha ita nia Municipiuo foti desizaun ruma hodi hadia ita nia Municipiu. No kada tinan ita sei iha reuniaun dala rua iha fun Junho no Desembru, nee rutina no bele iha mos reuniaun estraordinariu karik presiza, no iha reuniaun labele delega ema seluk atu mai partisipa tamba ema seluk nee laiha legalidade. mais karik ita hare fali ba kotuk Konselhu uluk nee nia estrutura boot liu kompostu hosiema hamuutuk ema 92mais agora nee ita reduz ba deit 52. No Konselhu nee nia mandate tinan rua (2) no la estende tan. Ikus liu hau hanesan Administrador Municipiu hatoo parabens ba membrus tomak no servisu diak”
Entretantu Konselhu Konsultivu Municipal nee hamutuk ema nain 52 ho nia kompozisaun maka Administrador Municipiu maka sai hanesan Prezidente Konselhu konsultivu no Sekretariu Municipiu maka sai hanesan Sekretariu Konselhu ho nia membrus sira mai hosi Cefe Sucos sira hotu, reprezentantes Religiaun 2 hanesan Katolika no Protestante, reprezentantes partidus Politikus 6, Reprezentante emprezariu 2, reprezentante sosiadade Civil, reprezentante Juventude, Reprezentante Asosiasaun Feto Municipiu, no mos reprezentante hosi Veteranus.
Partisipa iha seremonia tomada de pose nee Ad; Municipiu Januariu Soares Boli, Sekretariu Municipiu Jose da Silva, Komandante PNTL Municipiu Viqueque, Administradores Postus Administrativus 5, Directores servisu Linhas Ministeriais sira hotu no membrus konselhu konsultivus sira .
Jornalista : Adriano Antonio Mesquita,
Editor : Florindo de Jesus
