Monday, May 20, 2024
spot_img
HomeFoto GaleriaEStrada no transporte sai obstakulu ba Ad. Posto Watucarbau

EStrada no transporte sai obstakulu ba Ad. Posto Watucarbau

Estrada nebe liga Municipiu Viqueque ho Postu Administrativu Watucarbau ba too iha Sucos sira sai preokupasaun bot ba Administrador Posto Administrativu Watucarbau wainhira hetan konvite ruma hosi Municipiu atu halo actividades ruma. Administrador Posto Watucarbau Alfredo dos Santos reaca liu tan katak alende Estrada transporte mos sai preokupasaun boot liu ba nia tamba Posto Administrativo Watucarbau iha duni transporte hanesan kareta id aba Ad. Posto maibe kareta refere kondisaun at ona tamba tuir Alfredo dos Santos katak kareta nee mai keda hosi Primeiru Governo Konstitusional nia tempu too agora sei nafatin.

“ Ami iha Posto Watucarbau nee actividades hotu hau bele dehan buat hotu la᷾o ho diak, maibe Estrada maka sai preokupasaun bo᷾ot ba ami atu halao actividades iha suco laran no mos ba iha Municipiu, tamba kondisaun Estrada at hotu kedas. Buat seluk tan maka transporte ba Administrador rasik, ami iha duni kareta ida maibe kareta nee hanesan buat ida karik atu hodi infeita deit ami nia Postu atu ema ruma ka hau nia kaben ho oan sira mai hare katak administrador mos iha kareta ida. Maibe kareta nee labele uza tamba hanesan ita ema karik tama on aba terseira idade, no kareta nee administrador troka malu dala hira ona nia maka nafatin hela deit tamba mai kedas hosi Primeiro Governo Konstitusional nia tempu”.

Lia ne՚e hato՚o hosi Ad. Posto Administrativo Watucarbau Alfredo dos Santos ba jornalista RPV iha nia servisu fatin Administrasaun Posto foin lalais nee. Hatan ba perguntas jornalista nian karik hetan konvite ka camada ruma hosi Municipiu Alfredo dos Santos dehan;

“ Buat sira ne՚e akontese bebeik mas hanesan ema numeru ida (1) iha Postu Watucarbau kuandu ita nia diresaun sira konvida ita la ba sira bele konsidera katak nudar administrador mais la kumpri orden, entaun tamba transporte ladiak hau tenki husu ona hau nia estaf ka membru sira nia transporte hodi ajuda hau mas se karik maka laiha hau tenki hein transporte publiku hodi sae tuir para ba, mais se karik laiha liu pasensia deit hau labele ba tamba distansia hosi Posto Watucarbau ba Municipiu Viqueque 79 km.”.

Tamba ne՚e Ad. Posto Watucarbau Alfredo dos Santos husu ba Governo Sentral no Ministeriu relevantes sira atu tau matan hodi konsidera estradas sira nebe liga ba Posto sira no suku atu nune՚e ita nia komunidade sira mos senti duni rezultado hosi Ukun An se lae maka ita nia ferik katuas sira too mate deit mos sira la sente buat ida hosi Ukun An ida nee. Entretantu tuir Alfredo dos Santos katak durante nia mandatu lala՚ok actividades iha Posto Administrativo Watucarbau la՚o ho diak maske nia mandatu seidauk too tinan ida maibe nia dehan atingi porsentu 90 resin.

Noticia, 8-10-2022

Jornalista; Manuel Baptista

RELATED ARTICLES
Continue to the category
0 0 votes
Article Rating
Subscribe
Notify of
guest
0 Comments
Inline Feedbacks
View all comments
Fans na'in: mak rona hela.
Loading ...

Trending Semanal.

0
Would love your thoughts, please comment.x
()
x