Wednesday, July 24, 2024
spot_img
HomeFoto GaleriaKazu Violensia domestika tenki reolve tuir prosesu legal

Kazu Violensia domestika tenki reolve tuir prosesu legal

Kazu violensia domestika tuir Sistema uluk nian dehan lia uma laran, katak kanuru ho bikan maka baku malu. Tamba nee resolve deit tuir Sistema ka lisan uma kain ida idak nian. Maibe agora nee lae, karik akontese violensia domestika tenki resolve tuir Sistema ka lei formal, tamba kazu Violensia domestika tama ona iha krime publiku tuir ita nia lei. Administrador Posto Administrativo Lacluta Hatoo lia nee ba jornalista RPV nian iha nia servisu fatin posto Lacluta hodi hatan ba perguntas kona ba violensia domestika tuir nia observasaun. Administrador Jose Andrade dos Santos esplika liu tan dehan;

“ Kona ba Violensia domestika hasoru feto no labarik feto sira nee tuir Sistema uluk nian bele resolve tuir lisan ida idak nian, tamba nee hanesan kanuru ho bikan maka baku malu iha uma kain ida nia laran. Maibe agora nee labele, wainhira mosu violensia iha uma laran tenki resolve tuir lei nebe maka iha ona. Tamba ita nia lei dehan katak violensia domestika nee krime publiku. Maske nunee iha kazu violensia balun nebe maka bele resolve tuir kultura, maibe tenki iha konyesementu ka kordenasaun diak mos hosi parte polisia nian tu nunee labele hali ses tiha hosi ita nia lei”.

Administrador Posto Jose Adrade mos husu atu hapara ona violensia domestika iha uma laran, no karik mosu violensia ruma iha uuma laran husu b alia nain sira kari atu resolve tenki iha kordenasaun ho Suco no parte polisia nian atu nunee labele ses hosi lei nebe vigora ona.

“ Maske nunee husu b alia nain sira buka jeitu karik mosu violensia presiza atu hapara lakohi atu violensia nee labele akontese bebeik iha knua ka aldeia ida nia laran, no ho mediasaun sira nebe halao ona kona ba violensia domestika karik lia nain sira atu resolve tuir Sistema familiar maibe tenki ho konyesementu hosi Suco no mos PNTL atu nunee bele resolve tuir lei nebe vigora ona iha RDTL

Iha parte seluk Eva Miguel Soares deha labele tauk atu hatoo keixa ba iha parte kompetente sira atu nunee bele tesi tuir lei nebe vigora tiha ona.

“ Labele tauk saida deit maka akontese iha ita nia let kona ba violensia domestika nian hanesan tolok malu sa tan baku malu too kanek tenki ba fo hatene kedas ba iha ida nee presiza molok 24 oras nia laran ita tenki hola medida hodi ba fohatene kedas ba iha KPK se karik KPK dok hosi ita entaun tenki fo hatene ba parte polisia atu nunee bele mai halo atuasaun hodi ba halo investigasaun iha polisia”.

Maibe Eva Miguel mos hatutan deha karik mosu kazu hanesan tolok no kazu sira seluk nebe la rezulta fiziku iha familia nia laran atu lalika lori ba too iha lia nain ka polisia, familia tenki tur hamutuk hodi koalia deit ba malu ho diak, atu nunee labele hamosu kazu nebe bot liu tan iha uma laran.

“ Se karik violensia hanesan tolok no diskute malu deit diak liu labele lori ba too iha lia nain sir aka parte polisia nian, maibe tenki tur hamutuk hodi koalia mamar ba malu ho diak liliu iha uma laran hanesan aman, inan ho oan sira, no tempu nebe diak atu koalia ba maulu maka tempu han hamutuk”

Eva mos dehan tan katak, atu violensia domestika labele akontese iha uma laran fen ho laen tenki kompriende no fiar malu.

“ Violensia domestika atu labele akontese iha uma laran fen ho laen labele taka ba malu, karik hanesan feto sira nebe maka iha servisu ka hetan poder, labele halo tuir deit ita nia hakarak, entaun atu sai ba servisu tenki fo konyesementu ba laen no tenki prepara hahan ba laen no oan sira atu nunee labele hamosu deskonfia malu iha uma laran”. 

Ikus liu Eva husu ba ema hotu atu tau konsiderasaun ba feto sira hanesan ita nia parseiru servisu no labele hare feto hanesan buat la vale ida tamba feto ho mane iha direitu nebe hanesan iha lei nia oin.

 Jornalista; Adriano Antonio Mesquita

 

 

 

RELATED ARTICLES
Continue to the category
0 0 votes
Article Rating
Subscribe
Notify of
guest
0 Comments
Inline Feedbacks
View all comments
Fans na'in: mak rona hela.
Loading ...

Trending Semanal.

0
Would love your thoughts, please comment.x
()
x