Centro Saude Postu Administrativu Vequeque vila halao inkontru advokasia hodi informasaun ba autoridades sucos, professor sira no ministerio relevante sira kona ba vasina ePifizer ba labarik sira ho idade 12 too 17 semana liu ba no hola fatin iha salaun administrasaun Municipiu Viqueque nian,
Administrador Municipiu de Viqueque Januario Soares Boli nebe loke ofisialmente actividade nee husu ba partisipantes sira liu-liu manorin naiin sira atu esplika ba labarik sira ho diak atu nune bele hola parte iha vasina nee hodi bele hadok hosi Moras Covid-19,
Iha fatin hanesan Chefe saude Municipiu Viqueque, Francisco de Carvalho mos husu ba profesores, autoridades local no liu-liu inan aman sira nia prezensa importante tebes atu hodi tau hamutuk hanoin atu oinsa bele iha dadus nebe diak hodi fo vasina ba ita nia oan sira. Francisco de Carvalho mos hatutan dehan vasina ePifizer nebe sei fo nee laos ba labarik sira nebe maka eskola deit maibe ba sira nebe maka la eskola mos sei simu hotu.
